پاکستانی کھلاڑیوں کے بعد آسٹریلوی کھلاڑی بھی ’’تکیہ کلب‘‘ میں شامل ہوگئے ہیں۔

پاکستان اور آسٹریلیا کے درمیان تین ون ڈے اور ایک ٹوئنٹی پر متشمل وائٹ بال سیریز ہونے جارہی ہے جس کا آغاز 29 مارچ کو پہلے ون ڈے سے ہوگا۔

ون ڈے سیریز کا دوسرا میچ 31 مارچ کو کھیلا جائے گا جبکہ تیسرا اور آخری میچ 2 اپریل کو ہوگا، وائٹ بال میں شامل واحد ٹی ٹوئنٹی میچ 5 اپریل کو ہوگا۔

وائٹ بال کے تمام میچز لاہور کے قذافی اسٹیڈیم میں کھیلے جائیں گے جس کی تیاری کے لیے دونوں ٹیموں نے آج پریکٹس سیشن بھی کیا۔

آسٹریلیا کے وائٹ بال اسکواڈ میں اسپنر ایڈم زمپا کو بھی شامل کیا گیا ہے جو ون ڈے سیریز میں شرکت کے لیے لاہور ایئرپورٹ سے ہوٹل کی روانگی کے لیے نکلے تو ان کے ہاتھ میں ’’تکیہ‘‘ بھی موجود تھا۔

Pillow club of Cricketers. Now Adam Zampa after @iMRizwanPak and @stevesmith49 #PAKvAUS #Lahore #Cricket pic.twitter.com/zHBzWM4iJ2

— Sohail Imran (@sohailimrangeo) March 24, 2022

واضح رہے کہ اس سے قبل آسٹریلوی کھلاڑی اسٹیو اسمتھ کے ہاتھ میں بھی تکیہ دیکھا گیا تھا جبکہ پاکستان کے بیٹر محمد رضوان کی بھی ’’تکیہ‘‘ کے ساتھ تصاویر وائرل ہوئی تھی۔

سوشل میڈیا صارفین نے کھلاڑیوں کے تکیہ کے ہمراہ سفر کرنے پر اسے ’’تکیہ کلب‘‘ کا نام دیا ہے جبکہ ان کی تصاویر پر دلسچسپ تبصرے بھی دیکھنے کو ملے ہیں۔