پاک آسٹریلیا سیریز کے لیے قومی اسکواڈ میں 35 سالہ کھلاڑی کو بھی اسکواڈ میں شامل کیا گیا ہے۔

پاکستان اور آسٹریلیا کی ٹیموں کے درمیان ہونے والے 3 ون ڈے میچز پر مشتمل سیریز اور واحد ٹی ٹوئٹی میچ ہونے جارہا ہے جس کے لیے قومی اسکواڈ کا اعلان کیا گیا ہے۔

Pakistan name ODI and T20I squads for Australia series

More details: https://t.co/Hq4BfmNVi5#BoysReadyHain l #PAKvAUS pic.twitter.com/xIVzHBlF3j

Advertisement

— PCB Media (@TheRealPCBMedia) March 17, 2022

پی سی بی نے ون ڈے سیریز کے لیے 19 رکنی ٹیم کا اعلان کیا ہے جبکہ واحد ٹی ٹوئنٹی میچ کے لیے 17 رکنی اسکواڈ کا اعلان کیا گیا ہے۔

قومی اسکواڈ میں دو نئے چہروں کو بھی موقع دیا گیا جس میں وکٹ کیپر و بلے باز محمد حارث اور 35 سال آل راؤنڈر آصف آفریدی شامل ہیں۔

ان دونوں کھلاڑیوں کو ون ڈے اورٹی ٹوئنٹی اسکواڈ میں شامل کیا گیا ہے جبکہ محمد حارث کے ٹیم میں آنے کے بعد سابق کپتان سرفراز احمد کے قومی ٹیم میں واپسی کے دروازے فی الحال بند ہوگئے ہیں۔

سرفراز احمد گذشتہ دو سالوں سے قومی ٹیم میں محمد رضوان کے بیک اپ کے طور پر شامل رہے ہیں جبکہ آل راؤنڈر عماد وسیم کو بھی ٹیم سے ڈراپ کیا گیا ہے۔

علاوہ ازیں شاداب خان اور محمد نواز ٹیم میں دوبارہ جگہ بنانے میں کامیاب رہے ہیں جبکہ شاداب خان کو بطور وائس کپتان ٹیم میں شامل کیا گیا ہے۔

واضح رہے کہ 35 سالہ آصف آفریدی کو پی ایس ایل 7 میں اچھی کارکردگی دکھانے پر ٹیم میں شامل کیا گیا ہے، انہوں نے ملتان سلطانز کی نمائندگی کرتے ہوئے 5 میچز میں 8 وکٹیں حاصل کی تھیں۔

آسٹریلیا کے خلاف ہونے والی ون ڈے سیریز اور واحد ٹی ٹوئنٹی میچ کے لیے منتخب ہونے والے تمام کھلاڑی 22 مارچ کو لاہور پہنچیں گے اور 3 دن کا آئسولیشن مکمل کرنے کے بعد ٹیم کو جوائن کریں گے۔