بھارتی ٹیسٹ کرکٹر ویرات کوہلی کے اسپاٹ فکسنگ میں ملوث ہونے کی افواہیں سوشل میڈیا پر زیر گردش ہیں۔

تفصیلات کے مطابق بھارت اور سری لنکا کے درمیان جاری ٹیسٹ میچ (جو کہ ویرات کوہلی کا 100واں ٹیسٹ ہے )میں ان کے آؤٹ ہونے کی درست پیشگوئی نے شائقین کو حیرت زدہ کر دیا ہے۔

بھارت اور سری لنکا کے میچ سے تقریباً 12 گھنٹوں قبل سماجی رابطے کی وب سائٹ ٹوئیٹر پر شروتی نامی اکاؤنٹ سے ٹوئیٹ کی گئی کہ کوہلی اپنے 100ویں میچ میں 45 رنز بناکر لاستھ ایمبلدینیا کی گیند پر بولڈ ہوجائیں گے۔

شائقین کرکٹ اس وقت ورطہ حیرت میں آگئے جب واقعاً ویرات کوہلی 45 رنز بناکر ایمبلدینیا کی گیند پر بولڈ ہوگئے۔

شروتی نے مزید بھی لکھا تھا کہ وہ 45 رنز 100 گیندوں پر بنائیں گے  اور 4  زبردست کورزڈرائیو کھیلیں گے تاہم ان کی یہ دیگر باتیں درست ثابت نہ ہوسکیں۔

https://twitter.com/Quick__Single/status/1499463720812134403

واضح رہے کہ  بھارتی کرکٹ ٹیم نے ویرات کوہلی کو 100 واں  ٹیسٹ میچ کھیلنے پر زبردست خراج تحسین پیش کیا  ہے۔

ویرات کوہلی نے بھارت کے لیے کئی یادگار اننگز کھیلی ہیں ۔ انہوں نے 99 ٹیسٹ میچز میں 27 سنچریز اور 28 نصف سنچریز کی بدولت 50.39 کی اوسط سے 7962 رنز بنارکھے ہیں۔

ویرات کوہلی نے بطور کپتان اپنا پہلا ٹیسٹ میچ 2014 میں آسٹریلیا کے خلاف  کھیلا تھا جس میں انہوں نے شاندار سنچری اسکور کی تھی جبکہ انہیں مستقل کپتان 2015 میں مہندرا سنگھ دھونی کی ریٹائرمنٹ کے بعد بنایا گیا تھا۔

Beauty of the sport ❤️#TeamIndia #INDvSL pic.twitter.com/4NSjYKcnmh

Advertisement

— BCCI (@BCCI) March 5, 2022

تاہم 2019 سے کیریئر میں اتار چڑھاؤ  کے باعث پیدا ہونے والی مشکلات کے سبب بالآخر انہوں نے رواں برس جنوری میں جنوبی افریقا سے 1-2 سے ٹیسٹ سیریز ہارنے کے بعد کپتانی سے استعفیٰ دے دیا تھا۔

سچن ٹنڈولکر کے بعد بھارت کے سب سے کامیاب بلے باز سمجھے جانے والے ویرات کوہلی نومبر 2019 کے بعد سے کوئی انٹرنیشنل سنچری اسکور نہیں کرسکے ہیں۔

ویرات کوہلی کے مداح ان کے 100ویں ٹیسٹ میں ان سے سنچری کی امید لگائے بیٹھے تھے تاہم وہ 45 رنز بناکر آؤٹ ہوگئے۔