آسٹریلوی کپتان پیٹ کمنز کراچی ٹیسٹ نہ جیتنے پر دکھی

ویب ڈیسک

18th Mar, 2022. 04:28 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

آسٹریلوی کپتان پیٹ کمنز کراچی ٹیسٹ نہ جیتنے پر دکھی

لاہور: آسٹریلین کرکٹ ٹیم کے کپتان پیٹ کمنز کا کہنا ہے کہ کراچی ٹیسٹ میچ نہ جیتنے پر دکھ ہے لیکن ہم نے بہت اچھی کرکٹ کھیلی۔

آسٹریلوی کرکٹ ٹیم کے کپتان پیٹ کمنز کا میڈٰیا سے گفتگو کرتے ہوئے کہنا تھا کہ بہترین سیکورٹی اور دیگر انتظامات کرنے پر شکر گزار ہوں۔

انہوں نے کہا کہ تیسرے ٹیسٹ میچ کا منتظر ہوں جبکہ دوسرے ٹیسٹ میچ کی جیت کے قریب تھے۔ کراچی ٹیسٹ میچ نہ جیتنے پر دکھ ہے لیکن ہم نے بہت اچھی کرکٹ کھیلی۔

یہ بھی پڑھیں: ثقلین مشتاق نے کراچی ٹیسٹ کے اختتام کو تاریخی لمحہ قرار دے دیا

ان کا کہنا تھا کہ آج لاہور میں گالف کھیل کر بہت اچھا لگا، گالف کے لیے صبح جلدی اٹھے اور پہلی بار ہوٹل سے باہر نکل کر اچھا لگا ہے۔

پیٹ کمنز کا کہنا تھا کہ میرے دوسرے ساتھیوں نے بھی گالف کھیلی ، جوش ہیزل ووڈ اچھی گالف کھیلتے ہیں۔

اس سے قبل آسٹریلین کرکٹ ٹیم کے کپتان نے سماجی رابطے کی مائیکرو بلاگنگ ویب سائٹ ٹوئٹر پر صبح سویرے گالف کھیلنے کی تصویر شیئر کی تھی۔

Lovely way to spend a day off here in Lahore. Great morning on the course. ⛳️ pic.twitter.com/GgFrXTZExt
Advertisement
— Pat Cummins (@patcummins30) March 18, 2022

تصویر کو شیئر کرتے ہوئے انہوں نے لکھا تھا کہ لاہور میں ڈے آف گزارنے کا اچھا موقع ملا ، گالف کورس پر صبح بہت اچھی گزری۔

یہ بھی پڑھیں: پاکستان آسٹریلیا وائٹ بال سیریز کی راولپنڈی سے لاہور منتقلی کا فیصلہ

واضح رہے کہ پاکستان اور آسٹریلیا کے درمیان 3 ٹیسٹ میچز پر مشتمل سیریز جاری ہے جس کے دو میچز ڈرا ہوگئے ہیں جبکہ تیسرا اورآخری میچ 21 سے 25 مارچ کے دوران لاہورکے قذافی اسٹیڈیم میں کھیلا جائے گا۔