جو روٹ انگلینڈ کرکٹ ٹیم کے ٹیسٹ کپتانی  کے عہدے سے دستبردار ہو گئے۔

تفصیلات کے مطابق جو روٹ نے انگلینڈ کرکٹ ٹیم کے ٹیسٹ کپتان کے عہدے سے استعفیٰ دے دیا ہے۔

جو روٹ انگلینڈ کے سب سے کامیاب ٹیسٹ کپتان ہیں۔ بطورت انگلینڈ ٹیسٹ کپتان جو روٹ کو سب سے زیادہ میچز  کھیلنے  اور جیتنے کا اعزاز حاصل ہے۔

Thank You, @root66 ❤️

Advertisement

— England Cricket (@englandcricket) April 15, 2022

ان کی کپتانی میں ٹیم نے 27 ٹیست میچز میں فتوحات حاصل کیں  جو مائیکل وان کی 26 جبکہ سر الیسٹر کک اور سر اینڈریو سٹراس کی 24  فتوحات سے زیادہ ہیں۔

2017 میں الیسٹر کک کے جانشین کے طور پر مقرر ہونے کے بعد روٹ نے کئی سیریز  میں فتوحات سمیٹیں جس میں 2018 میں بھارت کے خلاف 1-4 کی یادگار فتح بھی شامل ہے۔

2018 میں ہی جو روٹ  2001 کے بعد سری لنکا میں ٹیسٹ سیریز جیتنے والے انگلینڈ کے پہلے کپتان بن گئے۔ بعد ازاں 2021 میں بھی انگلینڈ ٹیم نے ان کی کپتانی میں سری لنکا میں 0-2 سے فتح حاصل کی۔

یہ بھی پڑھیں: 10  ہزار کلب، جو روٹ ٹیسٹ کرکٹ میں اہم سنگ میل کے قریب

وہ الیسٹر کک کے بعد انگلینڈ  کے دوسرے سب سے زیادہ ٹیسٹ رنز بنانے والے کھلاڑی ہیں۔

31 سالہ روٹ نے اب تک 117 ٹیسٹ میچز میں 25 سنچریز اور 53 نصف سنچریز کی مدد سے 49.19 کی اوسط سے 9889 رنز بنارکھے ہیں۔

https://twitter.com/englandcricket/status/1514887510387838976

کپتان کے طور پر ان کے 5295 رنز انگلینڈ کے کسی بھی کپتان کے سب سے زیادہ رنز ہیں جبکہ مجموعی طور پر اس فہرست میں وہ صرف گریم اسمتھ، ایلن بارڈر، رکی پونٹنگ اور ویرات کوہلی سے پیچھے  5ویں نمبر پر ہیں۔