قومی کرکٹر و سابق کپتان سرفراز احمد اپنی اہلیہ  خوشبخت سرفراز کے ہمراہ ایک نجی ٹی وی کے مارننگ شو میں سریک ہوئے۔

شو کے دوران ہلکی پھلکی مزاح سے بھرپور گفتگو کے دوران  مارننگ شو کی خاتون میزبان  نے سوال کیا کہ گھر میں آپس میں کبھی کرکٹ پر بات چیت ہوتی ہے۔

جس پر ان کی اہلیہ نے کہا کہ ہمیں کرکٹ پر بات کرنا  پسند نہیں ہے۔

سرفراز احمد نے اس سوال کے جواب میں ایک مزاحیہ قصہ سنانا شروع کیا تو ان کی اہلیہ نے ہنستے ہوئے انہیں بتانے سے منع کیا ۔

تاہم سرفراز احمد نے بتایا کہ 2013 میں وہ اپنے کیریئر کے پہلے ٹور پر ٹیسٹ میچ کھیلنے جنوبی افریقا گئے، وہاں باؤنسی وکٹ ہوتی ہیں اور اس وقت جنوبی افریقی ٹیم بھی ٹاپ کلاس تھی تو مجھ سے اچھی پرفارمنس نہ ہوسکی جس کے بعد میں ٹیم سے باہر ہوگیا۔

سرفراز نے مزید بتایاکہ اس کے بعد میری اہلیہ نے مجھ سے کہا آپ اپنی بیٹنگ پہ دھیان دیں جس پر میں نے بولا کہ آج تو یہ بول دیا ہےآئندہ اپنے کام سے کام رکھنا، کرکٹ کی بات نہیں کرنا۔

جس پر ان کی اہلیہ نے ہنستے ہوئے بتایا کہ بس اس دن کے بعد سے ہم کرکٹ کی بات نہیں کرتے۔

سرفراز احمد نے مزید بتایا کہ میں نے ان (اپنی اہلیہ) سے کہا کہ زیادہ کوچ بننے کی ضرورت نہیں، پہلے ہی کوچ ہیں میرے پاس۔