سری لنکا کے خلاف سیریز کے لیے ویمنز ٹیم کا تربیتی کیمپ 7 مئی سے شروع ہوگا۔

پاکستان اور سری لنکا کی ویمنز ٹیموں کے درمیان ون ڈے اور ٹی ٹوئنٹی میچز پر مشتمل سیریز کراچی میں 24 مئی سے شروع ہونے جارہی ہے۔

سیریز سے قبل تیاری کے کیمپ کے لیے 26 کھلاڑیوں کا اعلان پاکستان کی خواتین کرکٹ ٹیم کی سلیکٹرز نے کردیا ہے جبکہ 12 روزہ کیمپ 7 مئی سے 18 مئی کے دوران حنیف محمد ہائی پرفارمنس سینٹر، نیشنل اسٹیڈیم کراچی میں لگایا جائے گا۔

Training camp for women series against Sri Lanka to begin on 7 May

More details: https://t.co/QNB44RUqYo#PAKWvSLW | #BackOurGirls pic.twitter.com/BYIlbRHLt4

— PCB Media (@TheRealPCBMedia) April 28, 2022

اس کیمپ میں قومی ویمنز کھلاڑی عالیہ ریاض، بسمہ معروف، ڈیانا بیگ اور فاطمہ ثناء شرکت نہیں کریں گی جبکہ یہ کھلاڑی 17 مئی سے سیریز کے لیے اسکواڈ کو جوائن کریں گی۔

ٹیم دبئی میں خواتین کے ٹی ٹوئنٹی ایونٹ میں حصہ لے گی جبکہ بائیں ہاتھ کی اسپنر نشرا سندھو کندھے کی انجری کے باعث کیمپ سے باہر رہیں گے۔

ون ڈے اور ٹی ٹوئنٹی سیریز میں شامل 6 میچز کراچی کے ساؤتھ اینڈ کلب میں کھیلے جائیں گے۔

کیمپ میں شامل کھلاڑیوں کی فہرست

کیمپ میں جن کھلاڑیوں کو شامل کیا گیا ہے ان میں ایمن انور، انعم امین، انوشہ ناصر، عائشہ بلال، عائشہ نسیم، عائشہ ظفر، غلام فاطمہ، گل فیروزہ، ارم جاوید، کائنات امتیاز اور منیبہ علی صدیقی شامل ہیں۔

علاوہ ازیں ناجیہ علوی، نتالیہ پرویز، ندا ڈار، عمائمہ سہیل، صائمہ، صائمہ، ثمینہ، شمس، سعدیہ اقبال، شوال ذوالفقار، سدرہ امین، سدرہ نواز، تسمیہ رباب، طوبہ حسن، ام ہانی، وحیدہ اختر اور یسرا عامر کو بھی شامل کیا گیا ہے۔

واضح رہے کہ دونوں ٹیموں کے درمیان پہلا ٹی ٹوئنٹی میچ 24 مئی کو کھیلا جائے گا جبکہ دوسرا 26 مئی اور تیسرا 28 مئی کو کھیلا جانا ہے۔

ون ڈے سیریز کا آغاز یکم جون سے ہوگا جس کا دوسرا میچ 3 جون جبکہ تیسرا اور آخری میچ 5 جون کو کھیلا جائے گا۔