عمر گل کو افغان کرکٹ ٹیم کا بولنگ کنسلٹنٹ مقرر کردیا گیا

ویب ڈیسک

01st Apr, 2022. 03:00 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

عمر گل کو افغان کرکٹ ٹیم کا بولنگ کنسلٹنٹ مقرر کردیا گیا

قومی کرکٹ ٹیم کے سابق فاسٹ بولر عمر گل کو افغان کرکٹ ٹیم کا بولنگ کنسلٹنٹ مقرر کردیا گیا ہے۔

نجی خبر رساں ادارے کی رپورٹ کے مطابق پاکستان کے سابق مایہ ناز فاسٹ بولر عمر گل کو 3 ہفتوں کے لیے افغان کرکٹ ٹیم کا بولنگ کنسلٹنٹ مقرر کیا گیا ہے۔

یہ بھی پڑھیں: آسٹریلیا کے خلاف نسیم شاہ کو اسکواڈ میں شامل نہ کرنا حیران کن ہے،عمر گل

رپورٹ کے مطابق عمر گل کے معاہدے میں توسیع بھی متوقع ہے جبکہ عمر گل 4 اپریل سے افغان ٹیم کے دبئی میں کیمپ کو جوائن کرلیں گے۔

دوسری جانب رپورٹ میں یہ بات میں بھی سامنے آئی ہے کہ پاکستان ٹیم کے سابق کپتان یونس خان کو بھی افغان کرکٹ ٹیم میں اہم ذمہ داریاں ملنے کا امکان ہے۔

واضح رہے کہ 37 سالہ فاسٹ بولر عمر گل کرکٹ کے تینوں فارمیٹ میں پاکستان ٹیم کی نمائندگی کرچکے ہیں جبکہ حال ہی میں انہوں نے پی ایس ایل کی فرنچائز کوئٹہ گلیڈی ایٹرز میں بولنگ کوچ کے فرائض انجام دیے تھے۔

یہ بھی پڑھیں: عمر گل نے عمر اکمل کو کیا یقین دہانی کرائی؟

عمر گل نے اپنے کیریئر کا آغاز 2003 میں بنگلادیش کے خلاف ون ڈے میچ کھیل کر کیا تھا جبکہ انہوں نے اپنا آخری میچ 2016 میں انگلینڈ کے خلاف کھیلا تھا۔

عمر گل نے پاکستان ٹیم کی نمائندگی کرتے ہوئے 47 ٹیسٹ، 130 ون ڈے اور 60 ٹی ٹوئنٹی انٹرنیشنل میچز کھیلے ہیں جس میں انہوں نے 427 وکٹیں حاصل کی ہیں۔