کامران اکمل نے محمد رضوان کو خود سے بہتر قرار دے دیا

ویب ڈیسک

11th Apr, 2022. 04:50 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کامران اکمل نے محمد رضوان کو خود سے بہتر قرار دے دیا

قومی ٹیم کے وکٹ کیپر اور کھلاڑی کامران اکمل نے محمد رضوان کو خود سے بہتر قرار دے دیا ہے۔

پاکستان کرکٹ ٹیم کے وکٹ کیپر و بلے باز کامران اکمل نے اعتراف کیا ہے کہ محمد رضوان ان سے بہتر کھلاڑی ہیں، اس بات کا اعتراف انہوں نے نیا ناظم آباد کرکٹ اسٹیڈیم میں میڈیا سے گفتگو کرتے ہوئے کیا۔

کامران اکمل کا کہنا تھا کہ میرا جیسا کھلاڑی محمد رضوان کی جگہ نہیں لے سکتا کیونکہ وہ مجھ سے بہتر کھلاڑی ہے اور میں نہیں کہہ رہا کہ مجھے رضوان کی جگہ دی جائے۔

یہ بھی پڑھیں: کبھی کسی چیئرمین کو پچ کے حالات میں مداخلت کرتے نہیں دیکھا،کامران اکمل

انہوں نے کہا کہ رضوان ایک اچھا کرکٹر بن کر سامنے آیا ہے جس نے سابق کپتان سرفراز احمد کی جگہ لی ہے جبکہ اب اس کی جگہ آنے والے کھلاڑیوں کو دگنی کارکردگی دکھانا ہوگی۔

کامران اکمل کا کہنا تھا کہ اگر ون ڈے کرکٹ میں رضوان کی ایسی ہی کارکردگی رہی تو حارث، روحیل نظیر، بسمہ اللہ خان میں سے کوئی بھی رضوان کی جگہ نہیں لے سکتا۔

ان کا کہنا تھا کہ اچھے کھلاڑیوں کو سامنے لانے کے لیے ان کو زیادہ سے زیادہ گراؤنڈ دینا ہوگا، تجربے کی بدولت کھلاڑیوں کے کھیل میں نکھار آئے گا۔

انہوں نے مزید کہا کہ جب محسوس کروں گا کہ کرکٹ کے لیے موزوں نہیں خود ریٹائرمنٹ کا اعلان کردوں گا۔