آسٹریلیا کے دورہ پاکستان سے پی سی بی کو اربوں کا فائدہ

ویب ڈیسک

07th Apr, 2022. 01:13 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

آسٹریلیا کے دورہ پاکستان سے پی سی بی کو اربوں کا فائدہ

چیئرمین پی سی بی رمیز راجہ کے مطابق آسٹریلیا کے دورہ پاکستان سے پی سی بی کو دو ارب کا منافع ہوا ہے۔

پی سی بی کی جانب سے جاری کردہ انٹرویو میں چیئرمین کرکٹ بورڈ رمیز راجہ کا کہنا تھا کہ پاک آسٹریلیا سیریز نے بورڈ کو کمرشل سائیڈ پر بڑا فائدہ پہنچایا ہے۔

یہ بھی پڑھیں: 4 ملکی ٹورنامنٹ؛ رمیز راجہ بھارتی بورڈ کے ساتھ پیش رفت کے لیے پر امید

ان کا کہنا تھا کہ آسٹریلیا کے دورہ پاکستان سے پی سی بی کو دو ارب تک کا منافع ہوا ہے، یہ ہمارے لیے خوش آئند ہے اور ہماری کرکٹ کے آگے بڑھنے کے لیے ایک مثبت علامت ہے۔

رمیز راجہ نے کہا کہ ہماری کرکٹ ٹیم نے اچھی کارکردگی کے ساتھ لوگوں میں اعتماد پیدا کیا جس کی وجہ سے ہم تجارتی بنیادوں پر نئی بلندیوں پر پہنچے۔

انہوں نے مزید کہا کہ اکتوبر میں ہونے والے ٹی ٹوئنٹی ورلڈ کپ میں بھارت کے خلاف پاکستان کی تاریخی فتح نے تجارتی پہلوؤں کے لحاظ سے ہماری کرکٹ کو فائدہ پہنچایا، پوری دنیا نے ہماری ٹیم اور اس کھیل میں دلچسپی لی۔

یہ بھی پڑھیں: آئی سی سی میٹنگز کا آغاز، 4 ملکی ٹورنامنٹ کی تجویز زیر غور

واضح رہے کہ 24 سال بعد آنے والی آسٹریلوی ٹیم کے تاریخی دورے نے پاکستانی شائقین کی توجہ اپنے جانب مبذول کروائی تھی۔

اس دورے کے بعد سے ناصرف شائقین کرکٹ بلکہ دنیا بھر کے لوگوں کی نظریں پاکستان میں کرکٹ کی بحالی پر تھیں۔