قومی ٹیم کے بلے باز احمد شہزاد نے کرکٹ کے میدان میں دوبارہ ایکشن دکھانے کے لیے تیاری پکڑ لی ہے۔

سماجی رابطے کی مائیکرو بلاگنگ ویب سائٹ ٹوئٹر پر قومی ٹیم کے اوپننگ بلے باز احمد شہزاد نے ایک ویڈیو شیئر کی ہے جس میں انہیں ٹریننگ کرتے دیکھا جاسکتا ہے۔

Sweating it out, back to training in full flow!! pic.twitter.com/I2t6TmGz9p

— Ahmad Shahzad 🇵🇰 (@iamAhmadshahzad) May 25, 2022

قومی بیٹر نے اس ویڈیو کو شیئر کرتے ہوئے لکھا کہ ’دوبارہ ٹریننگ شروع کردی ہے اور میں اس کے لیے پوری جان لگارہا ہوں‘۔

واضح رہے کہ اس سے قبل قومی بلے باز نے پاکستان کے شمالی جات سے اپنی تصویر کو شیئر کیا تھا جس میں وہ پہاڑ کی چوٹی پر کھڑے دکھائی دیے تھے۔

There's so much to see in my beautiful country. Spending some time in the mountains is a relief from the Lahore heat. #Mountains #North #Pakistan #MalamJabba #summer #heatwave pic.twitter.com/w2J790dG7X

— Ahmad Shahzad 🇵🇰 (@iamAhmadshahzad) May 12, 2022

اس تصویر کو شیئر کرتے ہوئے انہوں نے کہا تھا کہ ’میرے خوبصورت ملک میں دیکھنے کو بہت کچھ ہے، لاہور کی گرمی سے نجات حاصل کرنے کے لیے پہاڑوں میں کچھ وقت گزار رہا ہوں‘۔

خیال رہے کہ قومی ٹیم کے 30 سالہ بیٹر احمد شہزاد 13 ٹیسٹ، 81 ون ڈے اور 59 ٹی ٹوئنٹی انٹرنیشنل میچز میں پاکستان ٹیم کی نمائندگی کرچکے ہیں۔

انہوں نے اپنے کیریئر میں 5 ہزار سے زائد رنز اسکور کیے ہیں جس میں ان کی 10 سنچریاں اور 25 نصف سنچریاں شامل ہیں۔

علاوہ ازیں انہوں نے اپنے کیریئر میں 59 چھکے اور 525 چوکے لگائیں ہیں جبکہ سب سے زیادہ انہوں نے ٹیسٹ میں 176، ون ڈے میں 124 اور ٹی ٹوئنٹی میں 111 رنز اسکور کیے ہیں۔

یاد رہے کہ احمد شہزاد نے 2009 میں ون ڈے ٹیم میں ڈیبیو کیا تھا جبکہ انہوں نے اپنا آخری انٹرنیشنل میچ ٹی ٹوئنٹی فارمیٹ میں سری لنکا کے خلاف 2019 میں کھیلا تھا۔