انٹرنیشنل کرکٹ کونسل (آئی سی سی) نے ماہ اپریل کے کیے مینز پلیئر آف دی منتھ کی نامزدگیوں کا اعلان کردیا ہے۔

آئی سی سی نے مینز پلیئر آف دی منتھ کی نامزدگیوں کا اعلان کیا ہے جس میں پہلا نمبر جنوبی افریقہ کے بائیں ہاتھ کے اسپنر کیشو مہاراج کا ہے جو ان دنوں فل فارم میں موجود ہیں۔

کیشو مہاراج

کیشو مہاراج بنگلادیشن کے خلاف ہونے والی دو ٹیسٹ میچز کی ہوم سیریز میں سب سے طاقتور ہتھیار بن کر ابھرے ہیں۔

انہوں نے ڈربن میں ہونے والے پہلے ٹیسٹ میچ میں تباہی مچادی جبکہ میچ کی پہلی میں انہیں کوئی کامیابی نہ ملی لیکن دوسری اننگ میں انہوں نے بنگالی ٹائیگرز کی دھجیاں بکھر دیں۔

میچ کی دوسری اننگ میں بنگلادیش کو جیت کے لیے 274 رنز درکار تھے جب کیشو مہاراج نے اپنی سوئنگ کو جادو چلایا اور 7 وکٹیں حاصل کرلی۔

دوسرے میچ میں بھی انہوں نے اپنی گیند سے مخالف ٹیم کے چھکے اڑادیے اور اس میچ میں بھی انہوں نے دوسری اننگ میں 7 شکار کیے جبکہ انہیں میچ اور سیریز کا بہترین کھلاڑی بھی قرار دیا گیا ہے۔

سمن ہارمر

اس فہرست میں دوسرے نمبر پر جنوبی افریقہ کے آؒل راؤنڈر سمن ہارمر رہے جنہوں نے عمدہ بیٹنگ کے ساتھ ساتھ بولنگ میں بھی کیشو مہاراج کا بھرپور ساتھ دیا۔

انہوں نے ڈربن میچ کی پہلی اننگ میں 38 رنز بنائے جبکہ دوسری اننگ میں بھی انہوں نے عمدہ بیٹنگ کی۔ بولنگ میں انہوں نے پہلی اننگ میں 4 شکار کیے جبکہ دوسری اننگ میں 3 کھلاڑیوں کو آؤٹ کیا۔

جتندر سنگھ

تیسرے نمبر پر عمان کے اوپنر جتندر سنگھ ہیں جنہوں نے سہ فریقی ٹی ٹوئنٹی سیریز میں شاندار کھیل پیش کیا، چار میچز میں انہوں نے 3 نصف سنچریوں کے ساتھ ایک سنچری کے بدولت 259 رنز اسکور کیے۔