آکلینڈ کولیزیم، ممکنہ طور پر ٹی ٹوئنٹی ورلڈ کپ 2024 کی میزبانی کرسکتا ہے

ویب ڈیسک

26th May, 2022. 04:52 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

آکلینڈ کولیزیم، ممکنہ طور پر ٹی ٹوئنٹی ورلڈ کپ 2024 کی میزبانی کرسکتا ہے

میجر لیگ بیس بال ٹیم کا گھر آکلینڈ کولیزیم 2024 میں مینز ٹی ٹوئنٹی ورلڈ کپ کی میزبانی کے لیے ابھر کر سامنے آیا ہے۔

مینز ٹی ٹوئنٹی ورلڈ کپ 2024 کی میزبانی امریکہ اور ویسٹ انڈیز مشترکہ طور پر کریں گے جس کے لیے آکلینڈ کولیزیم ایک ممکنہ مقام کے طورپر سامنے آیا ہے۔

یہ بھی پڑھیں: ٹی ٹوئنٹی ورلڈ کپ، گرین شرٹ ابھی تیار نہیں ہے، محمد حفیظ

آئی سی سی کے سی ای او جیوف ایلارڈائس اور ڈویلپمنٹ کے سربراہ ول گلن رائٹ نے حال ہی میں کیلیفورنیا میں یو ایس اے کرکٹ حکام سے ملاقات کی ہے جس دوران اس خیال پر تبادلہ خیال کیا گیا ہے۔

اس اسٹیڈیم کو میجر لیگ بیس بال کے گھر کے طور پر جانا جاتا ہے جبکہ پرکشش محل وقوع اور مجموعی صلاحیت آکلینڈ کولیزیم کی دو بڑی خصوصیات ہیں جنہوں نے کرکٹ کے منتظمین کو اپنی جانب مبذول کروایا ہے۔

اس اسٹیڈیم میں 53 ہزار شائقین کی گنجائش موجود ہے جوکہ اس وقت امریکہ میں دستیاب کرکٹ اسٹیڈیمز سے دو گنا زیادہ ہے۔

یہ بھی پڑھیں: حفیظ نے شان مسعود کو ٹیسٹ اور ٹی ٹوئنٹی ورلڈ کپ اسکواڈ میں شامل کرنے کا مطالبہ کردیا

واضح رہے کہ بیس بال اسٹیڈیم پہلے بھی کرکٹ کے نمائشی میچوں کی میزبانی کر چکے ہیں۔

سن 2015 میں کرکٹ آل اسٹارز ٹور کے میچز بھی ان ہی اسٹیڈیمز میں کھیلے گئے تھے جس میں سچن ٹنڈولکر اور شین وارن کی ٹیمیں مدمقابل تھیں۔