ویسٹ انڈین ٹیم ون ڈے سیریز کیلئے 6 جون کو پاکستان پہنچے گی

ویب ڈیسک

30th May, 2022. 04:10 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ویسٹ انڈین ٹیم ون ڈے سیریز کیلئے 6 جون کو پاکستان پہنچے گی

ویسٹ انڈین ٹیم پاکستان کے خلاف ون ڈے سیریز کے لیے 6 جون کو پاکستان پہنچے گی۔

تفصیلات کے مطابق ویسٹ انڈین کرکٹ ٹیم 6 جون کو اسلام آباد پہنچے گی جہاں سے اسی روز خصوصی فلائٹ سے ملتان روانہ ہوجائے گی۔

پاکستان ٹیم ایک روز قبل یعنی 5 جون کو لاہور سے ملتان پہنچ جائے گی۔

دونوں ٹیموں کے مابین تین ون ڈے میچز پر مشتمل سیریز راولپنڈی میں شیڈول تھی تاہم سیاسی حالات کے باعث اسے ملتان منتقل کردیا گیا۔

گزشتہ روز ڈپٹی کمشنر طاہر وٹو نے ملتان کرکٹ اسٹیڈیم میں انتظامات کا جائزہ لیا اور سیکیورٹی ،پارکنگ اور روٹس پر مثالی انتظامات کا حکم دیا ۔

ان کا کہنا تھا کہ ویسٹ انڈیز ٹیم کو اسٹیٹ گیسٹ کا پروٹوکول دیا جائے گا جبکہ شہریوں کے لیے اسٹیڈیم میں فول پروف سیکیورٹی انتظامات کیے جائیں گے۔

واضح رہے کہ دونوں ٹیموں کے مابین ون ڈے میچز 8، 10 اور 12 جون کو کھیلے جائیں گے۔