گوجرہ: قومی ہاکی ٹیم کے سابق کپتان اور اولمپئن رشید الحسن نے انکشاف کیا ہے کہ فیڈریشن میں اوپر سے نیچے تک سیاست ملوث ہے۔
پاکستان ہاکی ٹیم کے سابق کپتان رشید الحسن کا میڈیا سے گفتگو کرتے ہوئے کہنا تھا کہ ایشیاء کپ میں 11 کی بجائے 12 کھلاڑیوں کی شرکت جگ ہنسائی کا باعث بنا ہے۔
یہ بھی پڑھیں: قومی ہاکی ٹیم کے غیر ملکی ہیڈ کوچ تاحال پاکستانی ویزے سے محروم
Advertisement
انہوں نے کہا کہ اوپر سے نیچے تک فیڈریشن میں سیاست ملوث ہے جبکہ موجودہ فیڈریشن کے آنے پر قومی ہاکی ٹیم ساتویں سے اٹھارہویں نمبر پر آ گئی ہے۔
ان کا کہن تھا کہ چیف پیٹرن وزیراعظم شہباز شریف کو موجودہ ہاکی فیڈریشن کو تحلیل کرنا چاہیے اور اگر یہی فیڈریشن رہی تو قومی ہاکی ٹیم بائیسویں نمبر پر آجائے گی۔
سابق اولمپئن کا کہنا تھا کہ ایماندار اور سخت فیصلے کرنے والے افراد کو ہی پی ایچ ایف میں ہونا چاہیے۔
Advertisement
کرنل (ر) محمد مکرم خان نے کہا کہ ڈیپارٹمنٹل ہاکی کی بحالی سے ہاکی آگے بڑھے گی، قومی مفادات کے حامل سرکاری و نیم سرکاری اداروں کی ٹیمیں بننی چاہیے۔
مکرم خان کا مزید کہنا تھا کہ اکیڈمیز منظورِ نظر افراد کی بجائے ہاکی ترویج کے لئے ہونی چاہیے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
