سرینا ولیمز آج  ومبلڈن کے پہلے راؤنڈ میں فرانس کی ہارمونی ٹین کا مقابلہ کرنے کے لیے ٹینس کورٹ میں اتریں گی۔

سیرینا ولیمز ایک سال کی دوری کے بعد سنگلز ایکشن میں واپس آئیں ہیں۔

دفاعی مردوں کے چیمپیئن نوواک جوکووچ نے دنیا میں 75 ویں نمبر پر موجود جنوبی کوریا کے کوون سون وو کے خلاف ساتویں ٹائٹل کے لیے جدوجہد کا آغاز کیا۔

آل انگلینڈ کلب میں ابتدائی توجہ 23 مرتبہ کے گرینڈ سلیم سنگلز چیمپئن ولیمز پر مرکوز ہو گی، جو عالمی درجہ بندی میں 1,204 ویں نمبر پر آ گئی ہیں اور پیر سے شروع ہونے والے ٹورنامنٹ کے لیے غیر سیڈ ہیں۔

اس ہفتے ایسٹ بورن میں ڈبلز ٹورنامنٹ میں حصہ لینے والی 40 سالہ کھلاڑی نے 12 ماہ قبل ومبلڈن میں اپنے پہلے راؤنڈ کے میچ کے دوران انجری کا شکار ہونے کے بعد سے سنگلز نہیں کھیلے ہیں۔

دوسری جانب 24 سالہ ٹین دنیا میں عالمی ٹینس رینکنگ میں 113 ویں نمبر پر ہیں۔

اس ماہ کے شروع میں فرنچ اوپن جیتنے والی ٹاپ سیڈ ایگا سویٹیک نے کروشین کوالیفائر جانا فیٹ کے خلاف اپنی مہم کا آغاز کیا۔

پولینڈ کی 21 سالہ سوئیٹیک نے لگاتار 35 میچ جیت کر ومبلڈن میں جگہ بنائی ہے۔

ولیمز کی ومبلڈن کی تیاریوں کو اس وقت دھچکا لگا جب اس کے ڈبلز پارٹنر اونس جبیور جمعرات کو گھٹنے کی انجری کی وجہ سے ایسٹبورن ٹورنامنٹ سے دستبردار ہو گئے۔

سیرینا ولیمز نے اپنے سات ومبلڈن سنگلز ٹائٹلز میں سے آخری 2016 میں جیتے تھے لیکن بچے کی پیدائش کے بعد واپسی کے بعد 2018 اور 2019 میں فائنل تک رسائی حاصل کی تھی۔

ومبلڈن کو وسیع پیمانے پر ولیمز کا 24 ویں گرینڈ سلیم سنگلز کا تاج مارگریٹ کورٹ کے ہمہ وقتی ریکارڈ کے برابر کرنے کا بہترین موقع سمجھا جاتا ہے۔

سیرینا ولیمز کا آخری گرینڈ سلیم سنگلز ٹائٹل 2017 میں آسٹریلین اوپن میں آیا تھا۔

سیرینا ولیمز نے کہا ہے میں اچھا محسوس کر رہی ہوں، اور اتنا اچھا لگ رہا ہے  جتنا کہ اتنی طویل چھٹی کے بعد کوئی محسوس کر سکتا ہے.