آئی سی سی ٹی ٹوئنٹی رینکنگ میں بلے بازوں کی فہرست میں  پاکستانی حکمرانی برقرار ہے۔

تفصیلات کے مطابق انٹرنیشنل کرکٹ کونسل (آئی سی سی) نے نئی ٹی ٹوئنٹی رینکنگ جاری کردی ہے جس میں  قومی کپتان بابر اعظم کی حکمرانی برقرار ہے۔

قومی کرکٹ ٹیم کے ان فارم اوپنر محمد رضوان  کی دوسری، جنوبی افریقا کے ایڈن مارکرام کی تیسری انگلینڈ کے ڈیوڈ ملان  کی چوتھی، آسٹریلوی کپتان ایرون فنچ کی پانچویں  اور نیوزی لینڈ کے ڈیوون کونوے  بدستور چھٹی پوزیشن پر موجود ہیں۔

بھارت کے ایشان کشن ایک درجہ ترقی پاکر ڈیوون کونوے کے ہمراہ مشترکہ طور پر چھٹی پوزیشن پر آگئے ہیں۔

سری لنکا کے پتھم نسانکا اور نیوزی لینڈ کے مارٹن گپٹل ایک ایک درجہ ترقی پاکر بالترتیب آٹھویں اور نویں پوزیشن پر آگئے ہیں جبکہ  جنوبی افریقا کے ریسی وینڈر ڈسن ایک درجے تنزلی سے مارٹن گپٹل کے ساتھ مشترکہ طور پر نویں پوزیشن پر چلے گئے ہیں۔

Players are jostling for spots in the latest @MRFWorldwide T20I men's player rankings 📈

More 👉 https://t.co/ksceq8SPGY pic.twitter.com/1pFif8wMNH

— ICC (@ICC) June 22, 2022

بولنگ کی فہرست میں آسٹریلیا کے جوش ہیزل ووڈ اور انگلینڈ کے عادل رشید کی بدستور بالترتیب پہلی اور دوسری پوزیشن برقرار ہے۔

افغانستا ن کے راشد خان ایک درجہ ترقی سے جنوبی افریقا کے تبریز شمسی  کے ساتھ مشترکہ طور پر تیسری پوزیشن پر آگئے ہیں جبکہ آسٹریلیا کے ایڈم زیمپا  کی پانچویں برقرار ہے۔

جنوبی افریقا کے اینرچ نورکیا ایک درجہتنزلی سے چھٹی پوزیشن پر چلے گئےجبکہ سری لنکا کے ونندو ہسارنگا ایک درجہ ترقی پاکر چھٹی پوزیشن پر آگئے۔

سری لنکا کے مہیش تھیکشانا کی آٹھویں، آسٹریلیا کے ایشٹن اگر کی نویں اور بنگلادیش کےنسوم احمد کی دسویں پوزیشن بدستور برقرار ہے۔