پاکستانی شائقین کرکٹ کے لیے 18 جون 2017 کا دن ناقابل فراموش  ہے۔

پاکستان اس سے قبل دو بڑے آئی سی سی میگا ایونٹس 50 اوور ورلڈکپ ، ٹی ٹوئنٹی ورلڈکپ سمیت ایشیا کپ، شارجہ کپ اور کئی دیگر ٹورنامنٹس  بھی جیت چکا تھا۔

https://twitter.com/TheRealPCB/status/1538005805890273281

تاہم اس چیمپئنز ٹرافی میں فتح پاکستان کی تاریخ میں شاید تاقیامت یاد رکھی جائے گی۔

چیمپئنز ٹرافی 2017 میں پاکستان ٹیم کی اکثریت  نئے کھلاڑیوں پر مشتمل تھی اور ایونٹ میں شامل آٹھ ٹیموں میں پاکستان کی پوزیشن بھی آخری تھی۔

ایونٹ کے آغاز سے قبل اور پہلے میچ میں ہی بھارت سے شکست کے بعد کسی نےیہ سوچا بھی نہیں تھا کہ پاکستان سیمی فائنل میں رسائی حاصل کرسکے گا۔

https://twitter.com/ICC/status/1537993642136043525

تاہم اگلے دو سنسنی خیز میچز میں جنوبی افریقا اور سری لنکا کو بمشکل شکست دینے والی پاکستان ٹیم نے نہ صرف فائنل تک رسائی حاصل کی بلکہ تاریخی فتح بھی سمیٹی۔

گروپ میچز میں مشکلات کا شکار پاکستان ٹیم نے سیمی فائنل اور فائنل میں ٹورنامنٹ کی فیورٹس سمجھی جانے والی ٹیموں کو یکطرفہ مقابلے میں شکست دی۔

پاکستان نے سیمی فائنل میں انگلینڈ  کو آٹھ وکٹ سے اور فائنل میں روایتی حریف بھارت کو 180 رنز کے بڑے مارجن سے شکست دی جو کسی بھی آئی سی سی میگا ایونٹ  کے فائنل میں سب سے بڑی فتح ہے۔

https://twitter.com/TheRealPCB/status/1538053903010390017