راولپنڈی: قومی ٹیسٹ اسکواڈ کا پنڈی کرکٹ اسٹیڈیم میں سینیریو میچ کے دوسرے روز کا آغاز ہوگیا ہے۔

قومی ٹیسٹ اسکواڈ کا پنڈی کرکٹ اسٹیڈیم میں سینیریو میچ کا آغاز ہوگیا ہے جبکہ سینیریو میچ کے دوسرے دن کا کھیل شروع ہوگیا ہے۔

The action resumes! 👊

Day two of the two-day practice match is underway 🏏#BackTheBoysInGreen | #SLvPAK pic.twitter.com/YgbXz5uaij

Advertisement

— Pakistan Cricket (@TheRealPCB) June 28, 2022

قومی ٹیسٹ اسکواڈ میں شامل تمام 15 کھلاڑیوں کو کوچز کی جانب سے ہدف دیا گیا ہے، قومی ٹیسٹ اسکواڈ میں شامل کھلاڑی 90 اوورز پر مبنی سینیریو میچ کے دوسرے روز کا کھیل کھیلیں گے۔

واضح رہے کہ قومی ٹیسٹ اسکواڈ یکم جولائی تک پنڈی کرکٹ اسٹیڈیم میں پریکٹس کیمپ جاری رکھے گا جبکہ اس دوران کھلاڑی جم کر پریکٹس کریں گے۔

یاد رہے کہ پاکستان نے اپنا اگلا دورہ سری لنکا کا کرنا ہے جس دوران دونوں ٹیموں کے درمیان دو ٹیسٹ میچز پر مشتمل سیریز کھیلی جائے گی۔

سیریز کے لیے قومی ٹیم 6 جولائی کو سری لنکا پہنچے گی جس کے بعد سیریز سے قبل تین روزہ پریکٹس میچ کھیلا جائے گا۔

دونوں ٹیموں کے درمیان پہلا ٹیسٹ میچ 16 جولائی سے گال میں شروع ہوگا جبکہ دوسرا ٹیسٹ میچ 24 جولائی سے کولمبو میں کھیلا جائے گا۔

دورہ سری لنکا کے لیے قومی اسکواڈ کا اعلان بھی کردیا گیا ہے جس میں یاسر شاہ اور سابق کپتان سرفراز احمد کی واپسی ہوئی ہے جبکہ بابر اعظم کو کپتان اور محمد رضوان کو نائب کپتان رکھا گیا ہے۔

علاوہ ازیں اسکواڈ میں عبداللہ شفیق، اظہر علی، فہیم اشرف، فواد عالم، حارث رؤف، حسن علی، امام الحق، محمد نواز، نسیم شاہ، نعمان علی، سلمان علی آغا، سرفراز احمد (وکٹ کیپر)، سعود شکیل، شاہین شاہ آفریدی اور شان مسعود کو شامل کیا گیا ہے۔