پاکستان کرکٹ ٹیم کے کپتان بابر اعظم کی فیلڈنگ میں غلطی کی وجہ سے ویسٹ انڈیز کرکٹ ٹیم کو تحفے میں 5 رنز دیے گئے۔

ملتان میں دوسرے ون ڈے میں ویسٹ انڈیز کی ٹیم پاکستان کے دئیے گئے ہدف کا تعاقب کررہی تھی، اس دوران 29 ویں اوور میں اسپنر محمد نواز گیند کروانے آئے۔

مہمان ٹیم کے کھلاڑی الزاری جوزف نے گیند کا سامنا کیا اور لیگ سائیڈ پر شاٹ مار کر ایک رن اسکور کیا۔

A rare thing happened tonight. West Indies were awarded 5 penalty runs due to illegal fielding by Pakistan.

Advertisement

Laws of cricket:

28.1 – No fielder other than the wicket-keeper shall be permitted to wear gloves or external leg guards. #PakvWI pic.twitter.com/WPWf1QeZcP

— Mazher Arshad (@MazherArshad) June 10, 2022

ویسٹ انڈیز کے الزاری جوزف کے شاٹ پر وکٹ کیپر محمد رضوان اپنا ایک گلو اتار کر فیلڈ کے لیے دوڑے اور گیند پکڑ کر تھرو کی، لیکن اسی اثنا میں بابر اعظم نے رضوان کا گلو اٹھا کر پہن لیا اور گیند کو پکڑ لیا، جس وجہ سے مہمان ٹیم کو 5 رنز اضافی مل گئے۔

کرکٹ قوانین کی روشنی میں وکٹ کیپر کے علاوہ کسی بھی فیلڈر کو گلوز یا لیگ گارڈ پہننے کی اجازت نہیں ہوتی ہے اور ایسا کرنے کی صورت میں دوسری ٹیم کو پنالٹی رنز دئیے جاتے ہیں۔

خیال رہے کہ گزشتہ روز پاکستان نے ویسٹ انڈیز کو دوسرے ون ڈے میں 120 رنز کے بھاری مارجن سے ہراکر سیریز میں 0-2 کی فیصلہ کن برتری حاصل کرلی ہے۔

واضح رہے کہ دونوں ٹیموں کے درمیان سیریز کا تیسرا اور آخری میچ اتوار کو ملتان میں ہی کھیلا جائے گا۔