آئی سی سی ٹی ٹوئنٹی رینکنگ میں بلے بازوں کی فہرست میں  پاکستانی حکمرانی قائم ہوگئی۔

تفصیلات کے مطابق انٹرنیشنل کرکٹ کونسل (آئی سی سی ) نے نئی ٹی ٹوئنٹی رینکنگ جاری کردی   ہے جس میں  قومی کپتان بابر اعظم کی حکمرانی برقرار ہے۔

قومی کرکٹ ٹیم کے ان فارم اوپنر محمد رضوان جنوبی افریقا کے ایڈن مارکرام کو پیچھے چھوڑتے ہوئے دوسری پوزیشن پر پہنچ گئے ہیں۔

ایڈن مارکرام ایک درجے تنزلی سے تیسری پوزیشن پر چلے گئے  جبکہ انگلینڈ کے ڈیوڈ ملان چوتھی پوزیشن برقرار ہے۔

آسٹریلوی کپتان ایرون فنچ ایک درجہ ترقی پاکر پانچویں پوزیشن پر آگئے جبکہ نیوزی لینڈ کے ڈیوون کونوے ایک درجے تنزلی سے چھٹی پوزیشن پر چلے گئے۔

بھارت کے ایشان کشن لمبی چھلانگ لگاتے ہوئے 68 درجے ترقی پاکر ساتویں پوزیشن پر آگئے ہیں  جبکہ  جنوبی افریقا کے ریسی وینڈر ڈسن ایک درجے تنزلی سے آٹھویں پوزیشن پر چلے گئے۔

 سری لنکا کے پتھم نسانکا بدستور نویں  پوزیشن پر موجود ہیں جبکہ نیوزی لینڈ کے مارٹن گپٹل دو درجے تنزلی سے دسویں پوزیشن پر چلے گئے۔

https://twitter.com/ICC/status/1537020508881166338

بولنگ کی فہرست میں آسٹریلیا کے جوش ہیزل ووڈ دو درجے ترقی پاکر پہلی پوزیشن پر آگئے ہیں جبکہ جنوبی افریقا کے تبریز شمسی پہلی سے تیسری پوزیشن پر چلے گئے۔ انگلینڈ کے عادل رشید کی دوسری پوزیشن برقرار ہے۔

افغانستا ن کے راشد خان ایک درجہ ترقی سے چوتھی پوزیشن پر آگئے جبکہ آسٹریلیا کے ایڈم زیمپا چوتھی سے پانچویں پوزیشن پر چلے گئے۔

جنوبی افریقا کے اینرچ نورکیا ایک درجہ ترقی سے چھٹی پوزیشن پر آگئے جبکہ سری لنکا کے ونندو ہسارنگا چھٹی سے ساتویں پوزیشن پر چلے گئے۔

سری لنکا کے مہیش تھیکشانا 16 درجے ترقی پاکر آٹھویں  اور آسٹریلیا کے ایشٹن اگر تین درجے ترقی سے نویں پوزیشن پر آگئے جبکہ بنگلادیش کےنسوم احمد ایک درجے تنزلی سے دسویں پوزیشن پر چلے گئے۔