پاک سری لنکا سیریز: دوسرے ٹیسٹ میچ کا مقام تبدیل

اعجاز وسیم باکھری

16th Jul, 2022. 01:32 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاک سری لنکا سیریز: دوسرے ٹیسٹ میچ کا مقام تبدیل

کولمبو: سری لنکا کی معاشی صورت حال کے باعث اب پاک سری لنکا کا دوسرا ٹیسٹ میچ کولمبو سے گال منتقل کر دیا گیا ہے۔

سری لنکا کرکٹ نے پاکستان کرکٹ بورڈ سے گال میں ہی کھیلنے کی درخواست کی تھی، پاکستان کرکٹ بورڈ نے سری لنکا کرکٹ کی درخواست قبول کر لی۔

پاکستان کرکٹ بورڈ نے گال انٹرنیشنل اسٹیڈیم میں ہی دوسرے ٹیسٹ کھیلنے پر رضا مندی ظاہر کی ہے۔

خیال رہے کہ دوسرا ٹیسٹ 24 جولائی سے کولمبو میں شیڈول تھا، سری لنکا کرکٹ اور پاکستان کرکٹ بورڈ نے باہمی مشاورت کے بعد فیصلہ کیا ہے، جبکہ آسٹریلیا نے بھی دونوں ٹیسٹ میچز گال میں ہی کھیلے تھے۔

واضح رہے کہ کولمبو میں لاکھوں کی تعداد میں مظاہرین اہم سرکاری عمارتوں کے سامنے سراپا احتجاج ہیں، عوامی احتجاج کے باعث سری لنکن صدر ملک سے فرار ہوئے اور مالدیپ سے انہوں نے اپنا استعفیٰ اسپیکر پارلیمنٹ کو بھجوایا جسے منظور کیا جاچکا ہے۔

ادھر قائم مقام صدر نے عوامی ردعمل کے سامنے گھنٹے ٹیکنے پر مجبور ہوکر مستعفی ہوچکے۔

یاد رہے کہ پاکستان دو ٹیسٹ میچز پر مشتمل ٹیسٹ سیریز کھیلنے کے لئے سری لنکا میں موجود ہے، ٹیسٹ سیریز آئی سی سی ٹیسٹ چیمپئن شپ کا حصہ ہے۔