پاکستان کبڈی فیڈریشن نے پاک انڈیا کرتاپور کبڈی سیریز اور پاکستان کبڈی لیگ کروانے کا اعلان کردیا۔
تفصیلات کے مطابق لاہور میں پاکستان کبڈی فیڈریشن کے زیر اہتمام ایک پر وقار تقریب کا انعقاد کیا گیا۔
تقریب میں ایرانی قو نصلیٹ جنرل لاہور رضا ناظری، بھارتی پنجاب کبڈی ایسوسی ایشن کے صدر سردار سکندر سنگھ ملکو، پاکستان کبڈی فیڈریشن کے صدر چوہدری شافع حسین نے شرکت کی اور ایم او یو پر دستخط کیے گئے۔
چوہدری شافع حسین نے بتایا کہ رواں برس پاکستان اور بھارت کی کبڈی ٹیمیں کرتار پور میں سیریز کھیلیں گی جبکہ پی ایس ایل طرز پر کبڈی کی پاکستان لیگ کروائی جائے گی جس میں غیر ملکی کھلاڑیوں کو ڈرافٹ کے ذریعے منتخب کیا جائے گا۔
اس کے علاوہ انٹر نیشنل ننکانہ صاحب کبڈی ٹورنامنٹ اور گرونانک چار ملکی ٹورنامنٹ بھی کرایا جائے گا جبکہ 2024 کے عالمی کپ کی میزبانی بھی پاکستان کو مل چکی ہے۔
Advertisement
اس موقع پر سردار سکندر سنگھ ملکو نے کہا کہ کبڈی کے مقابلوں کی وجہ سے ہم ایک دوسرے کے قریب آئیں گے۔ دونوں ممالک کی حکومتوں کو بھی کھلے دل کا مظاہرہ کرنا چاہیے۔
ایرانی قونصلیٹ جنرل رضا ناظری نے کہا کہ پاکستان میں کبڈی کا بہت ٹیلنٹ ہے، کبڈی لیگ کرانے کا فائدہ ہو گا۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
