گال ٹیسٹ کی پہلی اننگز میں آسٹریلوی ٹیم 364 رنز بناکر  آل آؤٹ  ہوگئی۔

تفصیلات کے مطابق دوسرے روز آسٹریلوی ٹیم نے 298 رنز 5 کھلاڑی آؤٹ سے کھیل  کا آغاز کیا تو گزشتہ روز کے اسکور میں صرف 66 رنز کا ہی اضافہ کرسکی۔

گزشتہ روز آسٹریلیا نے ٹاس جیت کر پہلے بیٹنگ کرنے کا فیصلہ کیا  تھا تو صرف 15 کے مجموعی اسکور پر ہی ڈیوڈ وارنر 5 رنز بناکر آؤٹ ہوگئے تھے۔

70 کے مجموعی اسکور پر  عثمان خواجہ بھی 37 رنز بناکر پویلین لوٹ گئے تھے۔تاہم اس کے بعد مارنس لبوشین اور اسٹیو اسمتھ نے 134 رنز کی شراکت قائم کرکے ٹیم کو سنبھالا  تھا۔

https://twitter.com/ICC/status/1545652184112676866

مارنس لبوشین 104 رنز بناکر آؤٹ ہوگئےتھے۔ان کے بعد کوئی کھلاڑی اسمتھ کا زیادہ دیر ساتھ نہ دے سکا اور یکےبعد دیگرے وکٹیں گرتی رہیں۔

اسٹیو اسمتھ 145 رنز بناکر ناقابل شکست رہے۔ یہ ٹیسٹ کرکٹ میں ان کی 28 ویں سنچری ہے جو انہوں نے تقریباً ڈیڑھ سال کے عرصے کے بعد بنائی  ہے۔

ایلکس کیری28 ، ٹریوس ہیڈ 12، کپتان پیٹ کمنز اور نیتھن لیون 5،5، کیمرون گرین 4 ، مچل سویپسن 3 اور مچل اسٹارک ایک رن بناکر آؤٹ ہوئے۔

سری لنکا کی جانب سے ڈیبیوٹینٹ پراباتھ جے سوریا نے 6، کاسن راجیتھا نے 2 جبکہ رمیش مینڈس اور مہیش تھیکشانا نے ایک ایک وکٹ حاصل کی۔

A dream debut for Prabath Jayasuriya ✨#WTC23 | #SLvAUS pic.twitter.com/VeSOtTdlff

Advertisement

— ICC (@ICC) July 9, 2022

واضح رہے کہ ؤسٹریلیا کو دو ٹیسٹ میچز کی سیریز میں 0-1 کی برتری حاصل ہے۔

سری لنکن ٹیم کو اس کے فوراً بعد 16 جولائی سے پاکستان کے خلاف دو ٹیسٹ  میچز کی سیریز کھیلنی ہے۔