معروف فٹ بالر کرسٹیانو رونالڈو نے اپنے کلب مانچسٹر یونائیٹڈ کا پری سیزن ٹور کھیلنے سے انکار کر دیا ہے۔

تفصیلات کے مطابق کرسٹیانو رونالڈو مانچسٹر یونائیٹڈ کے ساتھ اپنے پری سیزن تھائی لینڈ اور آسٹریلیا کے دورے پر نہیں جائیں گے.

میڈیا ذرائع کا کہنا ہے کہ پرتگال کے اسٹرائیکر کو خاندانی مسئلے سے نمٹنے کے لیے اضافی وقت دیا گیا تھا۔

کرسٹیانو رونالڈو پیر کو غیر حاضر تھے جب یونائیٹڈ کے نئے باس ایرک ٹین ہیگ نے پری سیزن ٹریننگ کے آغاز کے لیے کلب کے بین الاقوامی کھلاڑیوں کا کیرنگٹن میں خیرمقدم کیا۔

فارورڈ نے کلب کو بتایا کہ وہ ایک خاندانی معاملے سے نمٹ رہا ہے، رونالڈو  جمعرات کو بھی پری سیزن ٹریننگ سے غیر حاضر رہے۔

اس غیر حاضری کی وجہ سے رونالڈو جمعے کو بنکاک کے لیے پرواز کرنے والے گروپ کا حصہ نہیں ہوں گے.

میڈیا ذرائع کا کہنا ہے کوئی اندازہ نہیں ہے کہ رونالڈ یونائیٹڈ کے ساتھ کب منسلک ہوں گے۔

منگل کو تھائی لینڈ میں مانچسٹر یونائیٹڈ کا لیورپول سے میچ ہے جو آسٹریلیا جانے سے پہلے کھیلا جائے گا۔

واضح رہے کہ میڈیا میں یہ بات سامنے آئی کہ 37 سالہ نے گزشتہ سال واپسی کے بعد سے اپنی خراب فارم سے ناخوش ہونے کے بعد اولڈ ٹریفورڈ چھوڑنے کو کہا تھا۔

گزشتہ سیزن میں مانچسٹر یونائیٹڈ پریمیئر لیگ میں چھٹے نمبر پر رہنے کے بعد چیمپیئنز لیگ میں جگہ بنانے سے محروم رہا۔

تاہم، یونائیٹڈ کا اصرار ہے کہ رونالڈو اس سیزن میں اسکواڈ کا حصہ ہوں گے کیونکہ چیلسی اور ناپولی کی جانب سے دلچسپی ظاہر کی گئی ہے۔

مانچسٹر یونائیٹڈ کے ترجمان نے خبر رساں ادارے کو بتایا کہ کرسٹیانو رونالڈو مانچسٹر یونائیٹڈ پارٹی کا حصہ نہیں ہوں گے.

ترجمان کے مطابق ٹیم  جمعے کو پری سیزن تھائی لینڈ اور آسٹریلیا کے دورے کے لیے روانہ ہو گی ۔ جبکہ رونالڈو کو خاندانی مسئلے سے نمٹنے کے لیے اضافی وقت دیا گیا ہے.

یاد رہے کہ کرسٹیانو رونالڈو کا مانچسٹر یونائیٹڈ کے ساتھ ایک اور سیزن کے لیے معاہدہ برقرار ہے اور وہ فروخت کے لیے نہیں ہے۔”

کرسٹیانو رونالڈو نے گزشتہ سیزن میں تمام مقابلوں میں 24 گول کیے اور انہیں کلب کا سال کا بہترین کھلاڑی قرار دیا گیا، لیکن مانچسٹر یونائیٹڈ کا 2017 کے بعد پہلی ٹرافی کا انتظار اب بھی برقرار ہے۔