واروکشائر کاؤنٹی کرکٹ کلب نے انگلینڈ کے آل راؤنڈر معین علی سے وائٹ بال  کرکٹ کا تین سالہ کا معاہدہ کر لیا ۔

وارکشائر کاؤنٹی کی جانب سے جاری کردہ پریس ریلیز کے مطابق   کلب نے معین علی سے وائٹ بال  کرکٹ کا تین سالہ کا معاہدہ کر لیا  ہے۔

ا سپارک ہل، برمنگھم میں پیدا ہونے والے  35 سالہ  معین علی کاؤنٹی کلب کو  ریڈ بال کرکٹ کے لیے بھی دستیاب ہوں گے جس کے لیے کلب انہیں الگ سے پیسوں کی ادائیگی کرے گا۔

معین علی  اپنے آبائی کرکٹ کلب میں واپس آئے ہیں جہاں سے انہوں نے 15 سال کی عمر میں اپنے کرکٹ کیریئر کا آغاز کیا تھا۔

 انہوں نے وارکشائر اکیڈمی اور سیکنڈ الیون میں  کھیل کر ترقی کی منازل طے کیں اور اپنے فرسٹ کلاس اور کاؤنٹی چیمپئن شپ ڈیبیو پر نصف سنچری بنائی۔

𝗪𝗲𝗹𝗰𝗼𝗺𝗲 𝗵𝗼𝗺𝗲, 𝗠𝗼! 💙

Warwickshire County Cricket Club has signed England international all-rounder Moeen Ali on a three-year white-ball contract.

📝 https://t.co/GOU3tocZe5

🐻#YouBears #MoIsHome pic.twitter.com/ak2xu9ZdeW

— Bears (@WarwickshireCCC) July 6, 2022

2015 میں ایشیز اور 2019 میں آئی سی سی ورلڈکپ  کے فاتح نے انگلینڈ کی جانب سے مجموعی طور پر 228 میچز (64 ٹیسٹ،119 ون ڈے، 49 ٹی ٹوئنٹی ) میں آٹھ سنچریز کی مدد سے 5470  رنز بنارکھے ہیں جبکہ 318 وکٹیں بھی حاصل کی ہیں۔

معین علی کا کہنا ہے کہ  میں ایجبسٹن واپسی پر بہت خوش ہوں۔ میں اسٹیڈیم سے صرف چند میل دور پیدا ہوا اور یہیں پرورش پائی، میری زندگی ہمیشہ برمنگھم کے ارد گرد مرکوز تھی۔

انہوں نے مزید کہا کہ میں یہاں واپس آنے پر  بہترین ماحول میں کھیلنے کے لیے ناقابل یقین حد تک پرجوش ہوں۔  یہ ایک ایسی جگہ ہے جس کی بہت سی تاریخ ہے اور کھلاڑیوں کے پاس ہمیشہ یہاں کھیلنے کی یادیں اور کہانیاں رہتی ہیں۔