کشمیر پریمئیر لیگ کی انتظامیہ نے سابق آل راؤنڈر شاہد خان آفریدی کو سیزن ٹو کے لئے برانڈ ایمبیسیڈر مقرر کر دیا ہے۔
تفصیلات کے مطابق کے پی ایل کی انتظامیہ نے تصدیق کی ہے کہ قومی ٹیم کے سابق کپتان شاہد آفریدی کو کشمیر پریمیئر لیگ کے دوسرے سیزن کا برانڈ ایمبیسیڈر بنا دیا گیا ہے۔
مقامی میڈیا کی رپورٹس کے مطابق اس سلسلے میں شاہد آفریدی اور کے پی ایل انتظامیہ کے درمیان معاہدے پر دستخط ہوئے۔
https://twitter.com/kpl_20/status/1544963573109112835
اس موقع پر سابق کپتان نے کہا کہ کشمیر پریمیئر لیگ ہمارے لیے بہت اہم ہے اور پاکستان کرکٹ بورڈ کچھ کرکٹرز کو کے پی ایل کھیلنے کی اجازت دے۔
سابق آل راؤنڈر نے کہا کہ کشمیری عوام پاکستانی سٹارز کو اپنے ہوم گراؤنڈ میں کھیلتا دیکھنا چاہتے ہیں۔
سابق کپتان نے کہا کہ کشمیر میں ہونے والے مظالم کا خاتمہ ہونا چاہیے۔
واضح رہے کہ کشمیر پریمئیر لیگ کے دوسرے سیزن میں قومی ٹیم کے ٹاپ پلئیرز حصہ نہیں لیں گے۔
پی سی بی نے قومی ٹیم کے ٹاپ کھلاڑیوں کو لیگ کے لیے این او سی دینے سے انکار کر دیا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News