کاؤنٹی کرکٹ کے رواں سیزن میں شاندار پرفارنس پیش کرنے والے پاکستانی کرکٹر شان مسعود کو پلیئر آف دی منتھ ایوارڈ کے لیے نامزد کیا ہے۔

تفصیلات کے مطابق پروفیشنل کرکٹرز ایسوسی ایشن نے شان مسعود کو کاؤنٹی چیمپیئن شپ کے دیگر تین ٹاپ پرفارمرز کے ساتھ جون کے پلیئر آف دی منتھ ایوارڈ کے لیے نامزد کیا ہے۔

پروفیشنل کرکٹرز ایسوسی ایشن کی ایک پریس ریلیز کے مطابق سرے کے ول جیکس، ہیمپشائر کے جیمز ونس، ڈربی شائر کے شان مسعود، اور وین میڈسن نے جون میں اپنی کارکردگی کی بدولت اس اعزاز کے لئے خود کو پیش کیا ہے۔

کاؤنٹی کے رواں سیزن کے اپریل کے مہینے میں شان مسعود نے 192 پوائنٹس حاصل کیے ہیں اور ایم وی پی سٹینڈنگ میں تیسرے نمبر پر ہیں۔

پچھلے مہینے، انہیں ان کے 419 ٹی ٹوئنٹی بلاسٹ پوائنٹس کے لئے تین میچ ایم وی پی ایوارڈز کا فیصلہ کیا گیا جو انہوں نے 46.5 کی اوسط سے حاصل کیا۔

پاکستانی بیٹر شان مسعود نے 32 گیندوں میں 73 رنز بنائے جبکہ مجموعی طور پر 228 رنز بنائے جس سے انہیں لیسٹر شائر کے خلاف میچ میں ایم وی پی ایوارڈ اور 31 پوائنٹس ملے۔

اس کے علاوہ شان مسعود نے مڈل سیکس کے خلاف 49 اور 98 کی عمدہ اننگز کے لیے ایک اور میچ ایم وی پی حاصل کیا۔مسعود نے جاری کاؤنٹی چیمپئن شپ میں ایک ٹھوس اوپننگ بلے باز کے طور پر اپنی ساکھ کو بڑھایا ہے.

شان مسعود  دو ڈویژنوں کے ٹورنامنٹ میں سب سے زیادہ رنز بنانے والے کھلاڑی رہے ہیں اور انہوں نے 82.74 کی شاندار اوسط سے 1,074 رنز بنائے جس میں تین سنچریاں اور چار نصف سنچریاں شامل ہیں۔

مسعود کو سری لنکا کے خلاف آئندہ ٹیسٹ سیریز کے لیے ٹیسٹ اسکواڈ میں شامل کیا گیا ہے اور امکانات روشن ہیں کہ وہ اپنی بھرپور فارم کو دیکھتے ہوئے پلیئنگ الیون میں جگہ بنا لیں گے۔