انگلینڈ نے بھارت کو ٹی ٹوئنٹی سیریز کے تیسرے اور آخری میچ میں 17 رنز سے شکست دے دی، سیریز 1-2 سے بھارت کے نام رہی۔

تفصیلات کے مطابق انگلینڈ میں ہونے والی ٹی ٹوئنٹی سیریز کے تیسرے اور آخری میچ میں ٹاس جیت کر پہلے بیٹنگ کرنے کا فیصلہ کیا۔

انگلینڈ کی جانب سے ڈیوڈ میلان نے 77 رنز اور لیام لیونگسٹون 42 رنز بنائے۔

انگلینڈ نے مقررہ بیس اوورز میں 7 وکٹوں کے نقصان پر 215 کا بہترین ٹوٹل بنایا۔

بھارت کی جانب سے روی بشنوئی اور ہرشل پٹیل نے 2،2 وکٹیں حاصل کیں۔

ہدف کے تعاقب میں بھارت کا آغاز اچھا نہ تھا، ایک رن پر رشبھ پنت اور 13 کے مجموعی اسکور پر آؤٹ آف فارم ویرات کوہلی پویلین واپس لوٹ گئے۔

روہت شرما بھی 31 کے اسکور پر اپنی وکٹ گنوا بیٹھے۔

مڈل آرڈر بیٹسمین سوریا کمار یادیو اور سریش ایئر نے بھارتی اننگ کو سہارا دیا، اور دونوں کی شاندار شراکت نے ٹیم کا اسکور 150 رنز تک پہنچا دیا۔

سریش 28 رنز بنا کر آؤٹ ہو گئے، جبکہ یادیو نے اپنا جارحانہ کھیل جاری رکھا، یادیو 55 گیندوں پر 14 چوکوں اور 6 چھکوں کی مدد سے 117 رنز کی خوبصورت اننگ کھیل کر آؤٹ ہوئے۔

یادیو کے آؤٹ ہونے کے بعد ٹیل اینڈرز انگلش بولرز کا دباؤ برداشت نہ کر سکے اور مقررہ 20 اوورز میں 9 وکٹوں کے نقصان پر 198 رنز بنا سکی۔

انگلینڈ کی جانب سے ٹوپلی نے 3 ، ڈیوڈ ویلی اور کرس جارڈن نے 2،2 کھلاڑیوں کو آؤٹ کیا۔

انگلینڈ نے یہ میچ 17 رنز سے جیت لیا، جبکہ بھارت نے سیریز 1-2 سے اپنے نام کی۔