کامن ویلتھ گیمز کا دوسرا دن پاکستانی باکسر کے نام

اعجاز وسیم باکھری

31st Jul, 2022. 10:24 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کامن ویلتھ گیمز کا دوسرا دن پاکستانی باکسر کے نام

برمنگھم: کامن ویلتھ گیمز کے دوسرے دن پاکستانی باکسر نے کامیابی اپنے نام کرلی ہے۔

تفصیلات کے مطابق کامن ویلتھ گیمز کے دوسرے دن قومی باکسر الیاس حسین نے لیسوگو کے موکھوٹو مورون کو شکست دے دی ہے۔

قومی باکسر الیاس حسین نے دوسرے راؤنڈ میں موکھوٹو کو ناک آؤٹ کردیا جبکہ الیاس حسین نے 57 کلوگرام فائٹ میں جیت حاصل کی ہے۔ الیاس حسین اب پری کوارٹر فائنل مرحلے میں پہنچ گئے ہیں۔

یہ بھی پڑھیں: کامن ویلتھ گیمز: بسمہ معروف اور عالیہ ریاض کی ناقص کارکردگی قومی ٹیم کو لے ڈوبی

دوسری جانب بیڈمنٹن مقابلوں میں پاکستان کو شکست کا سامنا کرنا پڑا ہے، آسٹریلیا نے پاکستان ٹیم کو تین دو سے شکست دے دی ہے۔

کامن ویلتھ گیمز میں پاکستان ویمنز ٹیم نے بھی اپنی مہم کا آغاز کردیا جس کے پہلے ہی میچ میں قومی ٹیم کو شکست کا سامنا کرنا پڑا ہے۔

قومی ٹیم کو بارباڈوس نے شکست دی ہے، بارباڈوس نے مقررہ 20 اوورز میں 145 رنز کا ہدف دیا جس کے جواب میں کپتان بسمہ معروف اور عالیہ ریاض کی سست بیٹنگ کے سبب پاکستان کو 16 رنز سے شکست کا سامنا کرنا پڑا۔

یہ بھی پڑھیں: برمنگھم کامن ویلتھ گیمز، پہلے دن پاکستانی اتھلیٹس تین مقابلوں سے باہر

بسمہ معروف نے سست روی سے بیٹنگ کرتے ہوئے 28 گیندوں پر ایک چوکے کی مدد سے صرف 12 رنز بنائے جبکہ عالیہ ریاض نے 24 گیندوں پر صرف 14 رنز ہی اسکور کیے۔