سوئنگ آرٹ کے ماہر پاکستان کے سابق سیمر محمد آصف نے کہا ہے کہ انگلش بولرز کی غلطیوں کا پنت نے فائدہ اٹھایا۔

تفصیلات کے مطابق پاکستان کے سابق فاسٹ بولر محمد آصف کا کہنا ہے کہ انگلینڈ نے رشبھ پنت کے لیے اچھی گیند بازی نہیں کی جب وکٹ کیپر بلے باز نے ایجبسٹن میں آخری ٹیسٹ میں 111 گیندوں پر تیز رفتار 146 رنز بنائے۔

واضح رہے کہ پنت نے انگلینڈ کے خلاف ٹیسٹ میچ میں بھارتی ٹیم کو اس وقت سہارا دیا جب 98 رنز پر پانچ کھلاڑی پویلین واپس لوٹ چکے تھے۔

محمد آصف نے ٹویٹر پر پوسٹ کی گئی ایک ویڈیو میں کہا کہ یہ مکمل طور پر انگلینڈ کے گیند بازوں کی غلطی تھی کیونکہ پنت نے کوئی تعجب نہیں کیا۔

Advertisement

– Muhammad Asif about the India batsmen, Kohli & Pant! pic.twitter.com/1gC3Akfanm

— Asif Khan (@mak_asif) July 2, 2022

آصف کا کہنا تھا کہ ریشبھ پنت کی بیٹنگ میں تکنیکی خرابیاں ہیں۔ اس کا بائیں ہاتھ کام نہیں کرتا لیکن پھر بھی وہ سنچری اسکور کرنے میں کامیاب رہے. کیونکہ انگلش گیند بازوں نے ان کے کمزور علاقوں میں ان کے سامنے گیند بازی نہیں کی۔

محمد آصف کا کہنا تھا کہ میں افراد کا نام نہیں لوں گا لیکن انگلینڈ نے بہت غلطیاں کیں۔ جب جڈیجہ اور پنت بیٹنگ کر رہے تھے، تو وہ بائیں ہاتھ کے اسپنر کو لے کر آئے جو اس وقت گیند بازی کرنے کا بہترین آپشن نہیں تھا۔

پاکستانی پیسر نے مزید کہا کہ میں پنت کے خلاف نہیں ہوں، لیکن اپوزیشن کے اس طرح کے فیصلوں سے آپ کو بڑا اسکور کرنے کا موقع ملتا ہے۔

آصف نے یاد دلایا کہ انہوں نے ہی ویرات کوہلی کے تکنیکی مسائل کی نشاندہی کی تھی لیکن انہوں نے مزید کہا کہ وہ ویرات کوہلی کو بلے بازی کرتے دیکھنا پسند کرتے ہیں۔

محمد آصف نے کہا کہ میں نے کچھ سال پہلے کوہلی کی تکنیکی خرابی کی نشاندہی کی تھی لیکن لوگوں نے مجھ پر تنقید کرنا شروع کر دی، آج کوہلی کی پرفارمنس سب کے سامنے ہے۔

محمد آصف نے کوہلی کو خود سے بڑا کھلاڑی قرار دیتے ہوئے کہا کہ اسے تکنیکی طور پر مزید محنت کی ضرورت ہے۔