ہنگامی حالات کے باوجود سیریز کھیلنے کو تیار ہیں، پی سی بی

ویب ڈیسک

13th Jul, 2022. 05:31 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ہنگامی حالات کے باوجود سیریز کھیلنے کو تیار ہیں، پی سی بی

پاکستان کرکٹ بورڈ کے ذرائع نے تصدیق کی ہے کہ سری لنکا میں جاری ہنگامی حالات کے باوجود پاکستان شیڈول کے مطابق سیریز کھیلنے کو تیار ہے

مقامی میڈیا کی رپورٹس کے مطابق پاکستان کرکٹ بورڈ نے تصدیق کی ہے کہ پاکستان اور سری لنکا کے درمیان دو میچوں کی ٹیسٹ سیریز شیڈول کے مطابق آگے بڑھنے کے لیے تیار ہے۔

واضح رہے کہ خدشہ ظاہر کیا جا رہا تھا کہ سری لنکا میں جاری سیاسی اور اقتصادی بحران کی وجہ سے یہ دورہ خطرے میں پڑ سکتا ہے۔ صدر گوٹابایا راجا پاکسے کی جزیرے سے روانگی کے بعد ملک میں ہنگامی حالت ہے۔

پی سی بی کے میڈیا ڈائریکٹر سمیع الحسن برنی نے کہا کہ سری لنکا میں ایمرجنسی کے نفاذ کے باوجود پاکستان اور سری لنکا کے درمیان سیریز منصوبہ بندی کے مطابق آگے بڑھے گی۔

سمیع نے یہ بھی بتایا کہ پی سی بی صورتحال کے حوالے سے سری لنکن کرکٹ بورڈ سے مسلسل رابطے میں ہے۔

پاکستان کا ٹیسٹ اسکواڈ اس وقت کولمبو میں سری لنکا الیون کے خلاف پریکٹس میچ میں مصروف ہے۔ ٹیم 16 جولائی سے شروع ہونے والے پہلے ٹیسٹ کے لیے کل رات گال کے لیے روانہ ہوگی۔

یاد رہے کہ چند روز قبل آسٹریلیا نے بھی سری لنکا کا دورہ کیا تھا اور وہاں 5 ٹی ٹوئنٹی ، 3 ون ڈے اور 2 ٹیسٹ میچز کی سیریز کھیلی تھی۔