انگلینڈ کے محدود اوورز کے کوچ میتھیو موٹ نے بیٹسمینوں کو کہا ہے کہ وہ ہنڈریڈ ٹورنامنٹ میں رنز کا پہاڑ بنائیں تاکہ ورلڈ کپ میں سلیکشن ہو سکے۔

انگلینڈ کو حال ہی میں تین میچوں کی ٹی ٹوئنٹی سیریز میں جنوبی افریقہ نے شکست دی تھی جب تبریز شمسی نے پانچ وکٹیں لے کر جنوبی افریقہ کو تیسرے ٹی ٹوئنٹی میں میزبان ٹیم کو 90 رنز سے شکست دی تھی۔

واضح رہے کہ ہنڈریڈ ایونٹ کے افتتاحی ایڈیشن میں، ٹیمل ملز نے اپنی فرنچائز سدرن بریو کے لیے متاثر کیا تھا اور پھر اسے گزشتہ سال یو اے ای میں ٹی ٹوئنٹی ورلڈ کپ میں جگہ سے نوازا گیا۔ ہنڈریڈ کا دوسرا سیزن بدھ سے شروع ہو رہا ہے۔

ایک معروف ویب سائٹ نے انگلینڈ کے کوچ کے حوالے سے کہا کہ میتھیو موٹ کا کہنا ہے کہ کیا نئے کھلاڑی آ سکتے ہیں ، میرا جواب ہے بالکل آ سکتے ہیں، اگر وہ پرفارم کریں گے اور رنز بنائیں گے تو ٹیم میں جگہ بنا سکتے ہیں۔

کوچ میتھیو کا کہنا تھا کہ ہنڈریڈ کو کھلاڑیوں کی سپورٹ کے لیے استعمال کرنے کی ضرورت ہے تاکہ وہ اعتماد کے ساتھ بیٹنگ کر سکیں۔

میتھیو موٹ نے آئن مورگن کی مثال دیتے ہوئے کہا کہ محدود اوورز کی ذمہ داریاں سنبھالنے کے بعد جوز بٹلر ٹی ٹوئنٹی میں کامیابی حاصل کرنے میں کامیاب رہے۔

میتھیو نے ڈریسنگ روم میں موجود کھلاڑیوں کو پیغام دیتے ہوئے کہا کہ آپ وہ آدمی بنیں جو آپ کی ٹیم کا بہترین کھلاڑی ہو اور اپنی صلاحیتوں کا مظاہرہ کریں۔

لیام لیونگسٹون کی مثال دیتے ہوئے میتھیو کا کہنا تھا کہ وہ سب سے قیمتی کھلاڑی تھے اور ڈریسنگ روم کے لڑکوں کو اس قسم کے سفر پر جانا چاہیئے۔

میتھیو موٹ کا کہنا تھا کہ ہر کھیل کا ورلڈ کپ ٹی وی پر دکھایا جاتا ہے اور اسے دیکھنے کے لیے ایک ہجوم اکٹھا ہوتا ہے، اگر آپ ان حالات میں اعلیٰ سطح کی کارکردگی دکھا سکتے ہیں تو یہ آپ کے لیے بہترین ہو گا۔