پاکستان کرکٹ ٹیم کے سابق اسپیڈ اسٹار شعیب اختر کو گُھٹنے کے آپریشن کے لیے اسپتال میں داخل کر لیا گیا جہاں انہوں نے اپنے مداحون سے دعاؤں کی درخواست کی ہے۔

سابق کرکٹر شعیب اختر نے اسپتال کی بیڈ سے ایک ویڈیو پیغام جاری کی ہے جس میں انہوں نے کہا کہ گُٹھنے کا 8 گھنٹے کا طویل آپریشن ہوگا جس کے لیے انہیں دعاؤں کی سخت ضرورت ہے۔

 

Advertisement

Advertisement

View this post on Instagram

Advertisement

Advertisement

Advertisement

Advertisement

 

A post shared by Shoaib Akhtar (@imshoaibakhtar)

Advertisement

پاکستان کرکٹ ٹیم کے سابق اسپیڈ اسٹار شعیب اختر نے کہا کہ مجھے امید ہے یہ میری آخری سرجری ہوگی، اس سے قبل میرے گھٹنے کے پانچ آپریشن ہوچکے ہیں۔

اپنے ویڈیو پیغام میں کہا کہ میں ایک بات کہنا چاہوں گا کہ میں نے پاکستان کے لیے بولر کے طور پر کھیلا جس پر مجھے فخر ہے لیکن یہ سرجری کروانی پڑے گی اور مجھے مکمل صحتیاب ہونے اور درد ختم ہونے میں دو سے تین ہفتے درکار ہوں گے۔

شعیب اختر نے اپنے پیغام میں تمام مداحوں سے خصوصی طور پر دعاؤں کی درخواست کی ہے۔

واضح رہے کہ شعیب اختر کے گھٹنوں کے ٹشوز اور ہڈیاں متاثر ہوئی ہیں جس کے بارے میں وہ اپنے سوشل میڈیا اکاؤنٹ پر  بتاتے رہے ہیں۔