دورہ پاکستان؛ انگلش ٹیم کی قیادت معین علی کو ملنے کا امکان

اعجاز وسیم باکھری

31st Aug, 2022. 07:04 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

دورہ پاکستان؛ انگلش ٹیم کی قیادت معین علی کو ملنے کا امکان

جوز بٹلر کے فٹنس مسائل کے بعد دورہ پاکستان میں انگلش ٹیم کی قیادت معین علی کو ملنے کا امکان ہے۔

برطانوی میڈیا کے مطابق جوز بٹلر فٹنس مسائل کا شکار ہیں جس کے باعث دورہ پاکستان میں انگلش ٹیم کی قیادت معین علی کو ملنے کا امکان ظاہر کیا جارہا ہے۔

یہ بھی پڑھیں: پی سی بی کا انگلینڈ کے دورہ پاکستان کے شیڈول کا اعلان

برطانوی میڈیا کا کہنا ہے کہ دورہ پاکستان کے لئے انگلش اسکواڈ کا اعلان اسی ہفتے کیا جائے گا جب کہ جونی بیرسٹو اور بین اسٹوکس کو آرام دیا جاسکتا ہے۔

ٹخنے کی انجری کا شکار لیام لونگ اسٹون کی بھی شرکت مشکوک نظر آرہی ہے، فل سالٹ، ول اسمیڈز، ول جیکس اور ایلکس ہیلز اسکواڈ میں شامل ہوسکتے ہیں۔

برطانوی میڈیا کا دعویٰ ہے کہ مارک ووڈ اور کرس واکس کو بھی دورہ پاکستان کے موقع پر ٹیم میں شامل کیا جاسکتا ہے۔

یہ بھی پڑھیں: پاک انگلینڈ سیریز کے لیے ٹکٹوں کی قیمتوں کا اعلان

واضح رہے کہ انگلینڈ کرکٹ ٹیم 17 سال بعد پاکستان کا دورہ کررہی ہے اور یہ میچ اکتوبر میں ہونے والے آئی سی سی مینز ٹی ٹوئنٹی ورلڈ کپ کے لیے اہم ہیں۔

دورہ پاکستان کے موقع پر انگلینڈ اور پاکستان کے مابین سات میچز پر مشتمل سیریز 20 ستمبر سے شروع ہوگی جس کے لیے آن لائن ٹکٹوں کی فروخت بھی آج سے شروع ہوگئی ہے۔