دبئی: ایشیاکپ سپر فور مرحلے کے رسمی میچ میں سری لنکا نے پاکستان کو 5 وکٹوں سے شکست دے دی ہے۔

دبئی انٹرنیشنل کرکٹ اسٹیڈیم میں آج سری لنکا اور پاکستان کی ٹیموں کے درمیان سپر فور مرحلے کا رسمی میچ کھیلا گیا جس میں سری لنکا نے ٹاس جیت کر فیلڈنگ کرنے کا فیصلہ کیا ہے۔

پاکستان نے پہلے بیٹنگ کرتے ہوئے 122 رنز کا ہدف دیا جس کو سری لنکا نے 5 وکٹوں کے نقصان پر 17 اوور میں پورا کرلیا۔

پاکستان بیٹنگ

پاکستان کی بیٹنگ کا آغاز کپتان بابر اعظم اور محمد رضوان نے کیا، محمد رضوان 14 رنز بناکر کیچ دے بیٹھے جب کہ فخر زمان 13 رنز بناکر آؤٹ ہوگئے۔

پاکستان کی جانب سے کپتان بابر اعظم نے سب سے زیادہ 30 رنز اسکور کیے جب کہ محمد نواز 26 اور افتخار احمد 13 رنز بناکر پویلین لوٹ گئے۔

پاکستان ٹیم آخری اوور میں 121 رنز پر ڈھیر ہوگئی جب کہ سری لنکا کی جانب سے وینندو ہسرنگا نے 3، مہیش تھیکشنا اور پراموڈ مدھوسن نے 2،2 کھلاڑیوں کو آؤٹ کیا۔

سری لنکا بیٹنگ

سری لنکا نے 17 اوورز کے اختتام تک مقررہ ہدف 5 وکٹوں کے نقصان پر پورا کرلیا جب کہ سری لنکا کی جانب سے پتھم نسانکا نے نصف سنچری کی بدولت 55 رنز کی ناٹ آؤٹ اننگز کھیلی۔

علاوہ ازیں سری لنکا کی جانب سے بھانوکا راجا پاکسے 24 اور داسن شاناکا 21 رنز بناکر آؤٹ ہوئے جب کہ وینندو ہسرنگا 10 بناکر ناٹ آؤٹ رہے۔

پاکستان کی جانب سے محمد حسنین اور حارث رؤف نے 2،2 کھلاڑیوں کو آؤٹ کیا جب کہ عثمان قادر نے ایک وکٹ حاصل کی۔

 پاکستان الیون

پاکستان ٹیم کی قیادت بابر اعظم کررہے ہیں جب کہ دیگر اسکواڈ میں وکٹ کیپر و بیٹر محمد رضوان، فخر زمان، افتخار احمد، خوشدل شاہ، آصف علی، محمد نواز، نسیم شاہ، حارث رؤف اور محمد محمد حسنین شامل ہیں۔

سری لنکن الیون

دانوشکا گناتھیلاکا، پتھم نسانکا، کوسل مینڈس، دھننجایا ڈی سلوا، بھانوکا راجا پاکسے، داسن شاناکا، وینندو ہسرنگا، چمیکا کرونارتنے، مہیش تھیکشنا، پراموڈ مدھوسن، دلشان مدوشنکا۔