امام الحق والد کی سرجری کے باعث کاؤنٹی چھوڑ کر واپس وطن پہنچ گئے

ویب ڈیسک

26th Sep, 2022. 11:02 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

امام الحق والد کی سرجری کے باعث کاؤنٹی چھوڑ کر واپس وطن پہنچ گئے

انگلینڈ میں جاری کاؤنٹی چیمپئن شپ میں سمرسیٹ کی نمائندگی کرنے والے پاکستانی بلے باز امام الحق اپنے والد کی علالت کے باعث وطن واپس پہنچ گئے ہیں۔

تفصیلات کے مطابق قومی بلے باز امام الحق کینٹ کے خلاف کاؤنٹی چیمپئن شپ کا میچ نہیں کھیل سکیں گے۔

یہ بھی پڑھیں: قومی ٹیم کے اوپننگ بلے باز امام الحق کی طبیعت ناساز

امام الحق کے والد کو دل کا دورہ پڑنے کے بعد ڈاکٹرز نے آپریشن کا مشورہ دیا تھا جب کہ ان کے والد کا آپریشن لاہور کے نجی اسپتال میں ہونا ہے۔

دریں اثنا کاؤننٹی چیمپئن شپ میں سمر سیٹ کے ڈائریکٹر کرکٹ اینڈی ہیری نے امام الحق کا کلب کے لیے تعاون پر شکریہ ادا کیا ہے۔

انہوں نے کہا کہ میں امام الحق کے کلب میں شامل ہونے کے بعد سے کلب کے لیے آن یا آف فیلڈ ان کے تعاون پر شکر گزار ہوں۔ سمر سیٹ کرکٹ کلب کے تمام کھلاڑی، عملے اور فالوورز کی جانب سے ہم امام الحق اور ان کی فیملی کے لیے نیک خواہشات کا اظہار کرتے ہیں۔

یہ بھی پڑھیں: امام الحق کی بلے بازی کے سابق بھارتی کرکٹر بھی دیوانے

واضح رہے کہ بائیں ہاتھ کے بلے باز امام الحق قائد اعظم ٹرافی کا پہلا میچ بھی نہیں کھیل سکیں گے جب کہ وہ ممکنہ طور پر ٹورنامنٹ کا دوسرا میچ کھیلیں گے۔