عمر گل نے پاک افغان فینز سے بڑی اپیل کردی

محمد کاشان

06th Sep, 2022. 08:19 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

عمر گل نے پاک افغان فینز سے بڑی اپیل کردی

عمر گل نے پاک افغان فینز سے جھگڑے سے دور رہنے کی اپیل کردی ہے۔

افغانستان کرکٹ ٹیم کے فاسٹ بولنگ کوچ عمر گل نے پاک افغان فینز سے اپیل کی ہے کہ سات ستمبر کو شارجہ میں ہونے والے میچ میں گراؤنڈ کے باہر یا اسٹیڈیم کے اندر جھگڑے سے اجتناب کریں۔

آئی سی سی اکیڈمی دبئی میں ٹریننگ سیشن سے قبل سابق پاکستانی فاسٹ بولر عمر گل نے دونوں ٹیموں کے شائقین سے گزارش کی کہ کھیل کو کھیل سمجھیں۔

یہ بھی پڑھیں: عمر گل نے پاکستان ٹیم کو فاسٹ بولرز سے متعلق اہم مشورہ دے دیا

انہوں نے کہا کہ دونوں مسلم برادر ملک اور اچھے ہمسائے ہیں، ماضی میں بھی میڈیا پر پاک افغان کرکٹ فینز کے درمیان جھگڑے اور تلخ کلامی کی خبریں آ چکی ہیں۔

عمر گل کا کہنا تھا کہ دونوں ممالک کے فینز کو کھیل انجوائے کرنا چائیے، شارجہ میں دونوں ممالک کی ایک بڑی کمیونٹی موجود ہے۔

ان کا کہنا تھا کہ سُننے میں یہ آیا ہے کہ پاک افغان میچ کے تمام ٹکٹس فروخت ہوچکے ہیں جو کہ فینز کی کرکٹ سے محبت کی جھلک ہے۔

یہ بھی پڑھیں: پاکستان بمقابلہ افغانستان؛ اہلیہ کی عمرگل سے خصوصی درخواست

انہوں نے مزید کہا کہ راشد خان پاکستان میں بہت مقبول ہیں جب کہ بابر اعظم اور محمد رضوان کی جوڑی کو بہت پسند کیا جاتا ہے، میں اپیل اور امید کروں گا کہ شارجہ اسٹیڈیم میں کوئی ناخوشگوار واقعہ پیش نہ آئے۔

واضح رہے کہ ٹی ٹوئنٹی ایشیاکپ کے سپر فور مرحلے میں پاکستان اور افغانستان کی ٹیموں کے درمیان مقابلہ 7 ستمبر کو شارجہ کرکٹ اسٹیڈیم میں کھیلا جائے گا۔