فخر زمان نے کمزور دل افراد کو پاکستان کے میچز نہ دیکھنے کا مشورہ دے دیا ہے۔

قومی ٹیم کے بیٹر فخرزمان نے مائیکرو بلاگنگ سائٹ پر حارث رؤف کی تعریف کرتے ہوئے کمزور دل افراد کو پاکستان کے میچز نہ دیکھنے کا مشورہ دیا ہے۔

https://twitter.com/FakharZamanLive/status/1574099045747916804?ref_src=twsrc%5Etfw%7Ctwcamp%5Etweetembed%7Ctwterm%5E1574099045747916804%7Ctwgr%5E5a6574903cfe7fb9ae127799715e4751bf2f704c%7Ctwcon%5Es1_&ref_url=https%3A%2F%2Fjang.com.pk%2Fnews%2F1140326

انہوں نے ٹوئٹ کرتے ہوئے کہا کہ ’حارث رؤف تم یونہی گرجتے رہو، آپ نے بہت شاندار کھیل کا مظاہرہ کیا۔ کرکٹ ایک حیرت انگیز کھیل ہے، ہمارا میچ کمزور دل ہر گز نہ دیکھیں‘۔

علاوہ ازیں فخرزمان نے عمدہ کارکردگی دکھانے پر محمد رضوان اور آصف علی بھی تعریف کی۔

یہ بھی پڑھیں: چوتھا ٹی ٹوئنٹی؛ انگلینڈ کا سیریز میں برتری کا خواب چکنا چور، پاکستان کی فتح

واضح رہے کہ گذشتہ روز پاکستان اور انگلینڈ کی ٹیموں کے درمیان ٹی ٹوئنٹی سیریز کا چوتھا میچ کھیلا گیا جس میں حارث رؤف کی تباہ کن بولنگ کے باعث پاکستان نے 3 رنز سے کامیابی حاصل کی تھی۔

میچ میں جیت کے بعد سیریز 2-2 سے برابر ہوگئی ہے جب کہ اب بھی مزید تین میچز ہونے باقی ہیں جو بدھ سے لاہور میں کھیلے جائیں گے۔