ٹی ٹوئنٹی رینکنگ میں قومی وکٹ کیپر بلے باز محمد رضوان کی حکمرانی برقرار ہے جبکہ بابر اعظم کی مزید تنزلی ہوگئی ہے۔
تفصیلات کے مطابق انٹرنیشنل کرکٹ کونسل (آئی سی سی)نے ٹی ٹوئنٹی کی نئی رینکنگ جاری کردی ہے۔
بلے بازوں کی فہرست میں قومی وکٹ کیپر بلے باز محمد رضوان کی پہلی پوزیشن برقرار ہے جبکہ جنوبی افریقہ کے ایڈن مارکرام دوسرے نمبر پر موجود ہیں۔
قومی کپتان بابر اعظم ایک درجے تنزلی سے تیسرے سے چوتھے نمبر پر چلے گئے ہیں جبکہ بھارت کے سوریا کمار یادیو چوتھے سے تیسرے نمبر پر آ گئے۔
انگلینڈ کے ڈیوڈ ملان کا پانچواں اور آسٹریلیا کے ایرون فنچ کا چھٹا نمبر برقرار ہے۔
ٹی ٹوئنٹی بولرز میں آسٹریلیا کے جوش ہیزل ووڈ پہلے نمبر پر برقرار ہیں جبکہ جنوبی افریقہ کے تبریز شمسی دوسرے اور انگلینڈ کے عادل رشید تیسرے نمبر پر موجود ہیں۔
افغانستان کے راشد خان چوتھے نمبر پر آ گئے اور آسٹریلیا کے ایڈم زیمپا پانچویں نمبر پر چلے گئے۔
پاکستان کے شاداب خان 14 ویں نمبر پر موجود ہیں جبکہ شاہین آفریدی 17 ویں سے 19 ویں نمبر پر چلے گئے۔
ٹی ٹوئنٹی آل راونڈرز میں شکیب الحسن کا پہلا نمبر برقرار ہے۔ بھارت کے ہاردیک پانڈیا ساتویں سے پانچویں نمبر پر آ گئے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News