انگلش کپتان جوز بٹلر کا پاکستان کے خلاف ٹی ٹوئنٹی سیریز مکمل طور پر مس کرنے کا امکان ہے۔
برطانوی میڈیا کی رپورٹس کے مطابق کپتان انگلینڈ کرکٹ ٹیم جوز بٹلر پنڈلی کی انجری کا شکار ہیں اور ڈاکٹروں کی ہدایت کے مطابق آہستہ آہستہ آگے بڑھ رہے ہیں۔
رپورٹ میں دعویٰ کیا گیا ہے کہ انگلش کپتان ورلڈ کپ سے قبل مکمل فٹ ہونے کے لیے پاکستان کے خلاف مکمل سیریز مس کر سکتے ہیں۔
ممکنہ طور پر جوز بٹلر صرف آخری دو میچز تک خود کو محدود کر سکتے ہیں۔انگلینڈ ٹیم کے آل راؤنڈرمعین علی کراچی کے چاروں میچز میں قیادت کریں گے جبکہ لاہور کے میچز میں بھی قیادت ان ہی کے سپرد کی جائے گی ۔
برطانوی میڈیا کے مطابق جوز بٹلر کا کہنا ہے کہ آسٹریلیا میں وارم اپ میچز ہیں اس لیے جلد بازی کی ضرورت نہیں ہے۔ پاکستان میں سیریز کے آخری دو میچز ملتے ہیں تو یہ بہترین ہو جائے گا۔
Advertisement
واضح رہے کہ انگلینڈ کرکٹ ٹیم گزشتہ روز 17 سال بعد پاکستان کے دورے پر آئی ہے۔
دونوں ٹیموں کے مابین 20 ستمبر سے 2 اکتوبر تک 7 ٹی ٹوئنٹی میچز کھیلے جائیں گے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
