پاک انگلینڈ ہوم سیریز؛ سندھ پولیس کی گاڑیاں اب شائقین کو کرکٹ اسٹیڈیم پہنچائے گی

ویب ڈیسک

18th Sep, 2022. 11:56 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاک انگلینڈ ہوم سیریز؛ سندھ پولیس کی گاڑیاں اب شائقین کو کرکٹ اسٹیڈیم پہنچائے گی

سندھ پولیس نے اعلان کیا ہے کہ سیلاب متاثرین کو مفت انٹری کی اجازت کے بعد پولیس کی گاڑیاں انہیں مفت اسٹیڈیم پہنچائیں گیں۔

نجی خبر رساں ادارے کے مطابق سندھ پولیس کے اسپیشل سیکیورٹی یونٹ کے ڈی آئی جی مقصود میمن کا کہنا ہے کہ چیئرمین پی سی بی چیئرمین کی اجازت سے سیلاب متاثرین کے لیے اسٹیڈیم میں انٹری فری ہے۔

انہوں نے کہا کہ سیلاب متاثرین اسٹیڈیم جانے کے لیے 15 پر کال کریں، انہیں اسٹیڈیم پہنچائیں گے اور ہماری ٹیمیں انہیں ٹرانسپورٹ مہیا کریں گیں۔

یہ بھی پڑھیں: انگلینڈ کی کرکٹ ٹیم کی پاکستان آمد، سیکورٹی کے سخت انتظامات

دوسری جانب ایڈیشنل آئی جی کراچی جاوید عالم اوڈھو نے کہا کہ انگلش ٹیم کے سیکیورٹی آفیشلز ہماری پلاننگ سے بہت خوش ہیں، ہم نے انگلش ٹیم کو بہترین سیکیورٹی فراہم کی ہے۔

انہوں نے عوام سے اپیل کی کہ کراچی کے شہری اسٹیڈیم آئیں اور ایونٹ کو کامیاب بنائیں۔

واضح رہے کہ انگلینڈ کرکٹ ٹیم 17 سال بعد پاکستان کا دورہ کررہی ہے جب کہ اس موقع پر دونوں ٹیموں کے درمیان 7 ٹی ٹوئنٹی میچز پر مشتمل سیریز کھیلی جائے گی۔

یہ بھی پڑھیں: پاک انگلینڈ سیریز کے لیے ٹکٹوں کی قیمتوں کا اعلان

سیریز کے پہلے چار میچ کراچی میں کھیلے جائیں گے جب کہ بقیہ تین میچز لاہور میں ہوں گے۔ کراچی میں 20، 22، 23 اور 25 ستمبر کو میچز ہوں گے جب کہ لاہور میں 28، 30 ستمبر اور 2 اکتوبرکو میچز ہوں گے۔