سہ فریقی ٹی20 سیریز: نیوزی لینڈ نے پاکستان کو 9 وکٹوں سے شکست دیدی

ویب ڈیسک

11th Oct, 2022. 09:18 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سہ فریقی ٹی20 سیریز: نیوزی لینڈ نے پاکستان کو 9 وکٹوں سے شکست دیدی

میزبان نیوزی لینڈ نے منگل کو کرائسٹ چرچ میں کھیلے گئے سہ فریقی ٹی ٹوئنٹی سیریز کے چوتھے میچ میں پاکستان کو نو وکٹوں سے شکست دے دی۔

جیت کے لیے 131 رنز کا معمولی ہدف تھا جو کہ نیوزی لینڈ نے 16.1 اوورز میں صرف ایک وکٹ کے نقصان پر حاصل کر لیا۔

ان کے اوپنر فن ایلن نے 42 گیندوں پر 62 رنز پر چھ چھکے لگائے اس سے پہلے کہ وہ شاداب خان کی گیند پر محمد رضوان کے ہاتھوں اسٹمپ ہو گئے۔

نیوزی لینڈ کے دوسرے اوپنر ڈیون کونوے 49 رنز بنا کر ناٹ آؤٹ رہے۔

اس سے قبل نیوزی لینڈ کے گیند بازوں نے سہ فریقی ٹی ٹوئنٹی سیریز کے میچ میں پاکستان کو سات وکٹ پر 130 رنز تک محدود کر دیا تھا۔

ٹاس جیت کر پہلے بیٹنگ کرتے ہوئے پاکستانی ٹیم مقررہ 20 اوورز میں سات وکٹوں کے نقصان پر 130 رنز بنانے میں کامیاب رہی۔

🏏 Innings Break 🏏
Pakistan manage 130-7 in their 20 overs.#NZvPAK | #NZTriSeries pic.twitter.com/PqJIy3QOg7
— Pakistan Cricket (@TheRealPCB) October 11, 2022

افتخار احمد 27، آصف علی 24، بابر اعظم 21 اور محمد رضوان 16 رنز بنا کر نمایاں رہے۔

خیال رہے کہ سہ فریقی ٹی ٹوئنٹی سیریز کے چوتھے میچ میں منگل کو نیوزی لینڈ کے خلاف پاکستان کے کپتان بابر اعظم نے ٹاس جیت کر بیٹنگ کا فیصلہ کیا تھا۔

پاکستانی ٹیم میں نسیم شاہ کی جگہ حارث رؤف کو شامل کیا گیا ہے۔