ڈیرن سیمی پشاور زلمی کے ہیڈکوچ مقرر

ویب ڈیسک

18th Oct, 2022. 08:46 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ڈیرن سیمی پشاور زلمی کے ہیڈکوچ مقرر

پاکستان سپر لیگ سیزن 8 کے لیے ڈیرن سیمی کو پشاور زلمی کا ہیڈکوچ مقرر کردیا گیا ہے۔

پاکستان سپر لیگ سیزن 8 کے حوالے سے بڑی خبر سامنے آگئی ہے، جہاں پشاور زلمی نے اگلے سیزن کے لیے ڈیرن سیمی کو اپنا ہیڈ کوچ مقرر کیا ہے۔

Daren Sammy – Head Coach Peshawar Zalmi – PSL 8 ⚡🏆#Zalmi #YellowStorm pic.twitter.com/YQQYT0f9Ap
— Peshawar Zalmi (@PeshawarZalmi) October 18, 2022

ڈیرن سیمی اس سے قبل پشاور زلمی کے کپتان اور مینٹور بھی رہ چکے ہیں جب کہ پاکستان میں کرکٹ کی واپسی پر ان کی خدمات ناقابل فراموش ہیں۔

یہ بھی پڑھیں: ڈیرن سیمی کا پاکستان جونیئر لیگ میں بطور مینٹور شمولیت پر خوشی کا اظہار

دوسری جانب پشاور زلمی کے چیئرمین جاوید آفریدی نے بھی سماجی رابطے کی ویب سائٹ پر اس فیصلے کی تصدیق کی ہے۔

ان کا کہنا تھا کہ ’وہ ڈیرن سیمی کو ایک بار پھر پشاور زلمی فیملی میں خوش آمدید کہتے ہیں، بطور سابق کپتان اور ہیڈکوچ ڈیرن سیمی ہمیشہ پشاور زلمی کا اہم ترین حصہ رہے ہیں‘۔

ڈیرن سیمی کا اپنے پیغام میں کہنا ہے کہ ’پشاور زلمی میری فیملی ہے جس کے ساتھ ایک بار پھر جڑنے پر بہت زیادہ خوشی محسوس کررہا ہوں‘۔

یہ بھی پڑھیں: سابق ویسٹ انڈین کپتان ڈیرن سیمی کو ستارہ پاکستان سے نواز دیا گیا

انہوں نے کہا کہ پی ایس ایل 8 کے لیے پرجوش ہوں، بطور کپتان پشاور زلمی کے لیے پی ایس ایل ٹو کی ٹرافی جیتنا خوشگوار یادوں میں سے ایک ہے۔

انہوں نے مزید کہا کہ پوری امید ہے کہ سیزن 8 میں بھی پشاور زلمی کی ٹیم اچھی کارکردگی کا مظاہرہ کرے گی۔