پاکستان کرکٹ بورڈ کے چئیرمین رمیز راجہ نے کہا ہے کہ ٹی ٹوئنٹی ورلڈ کپ میں پاک بھارت میچ وہ گھر پر بیٹھ کر دیکھیں گے۔

تفصیلات کے مطابق ٹی ٹوئنٹی ورلڈ کپ میں پاکستان اور بھارت کا مقابلہ 23 اکتوبر کو میلبورن کرکٹ گراونڈ میں کھیلا جائے گا۔ یہ دونوں ہی ٹیموں کے لیے ٹی ٹوئنٹی عالمی کپ کا پہلا میچ ہوگا۔

پاکستان کرکٹ بورڈ کے چیئرمین رمیز راجہ نے کہا کہ وہ آئندہ ٹی ٹوئنٹی ورلڈ کپ میں بھارت کے خلاف پاکستان کا شروعاتی مقابلہ دیکھنے نہیں جائیں گے۔

سابق پاکستانی کرکٹر نے کہا کہ انہیں سخت حریف کو ایک دوسرے کے خلاف کھیلتے ہوئے دیکھنے سے غصہ نہیں آتا ہے کیونکہ وہ اکثر دیگر ناظرین کے ساتھ لڑائی میں پڑ جاتے ہیں۔

مین ان گرین 23 اکتوبر (اتوار) کو میلبورن کرکٹ گراونڈ میں کھیلے جانے والے ٹی20 عالمی کپ کے اپنے پہلے میچ میں بھارت سے مد مقابل ہونے کے لئے تیار ہے۔

رمیز راجہ نے نجی نیوز چینل کو انٹرویو دیتے ہوئے کہا کہ میں پاکستان کا پہلا میچ دیکھنے نہیں جاؤں گا کیونکہ مجھ میں میچ دیکھنے کی تڑپ نہیں ہے۔

چئیرمین رمیز راجہ کے مطابق میں جذباتی طور پر بہت جڑا ہوا ہوں اور اس لئے میں میچوں میں نہیں جاتا کیونکہ وہاں لوگوں کے ساتھ میری لڑائی ہوجاتی ہے۔ کئی لوگوں نے مجھ سے عالمی کپ کا پہلا میچ دیکھنے کو کہا، لیکن میں نے منع کردیا میں گھر بیٹھے میچ دیکھوں گا۔

پی سی بی سربراہ نے اس حقیقت کا بھی اعتراف کیا کہ پاکستان  کے پاس مڈل آرڈر میں کچھ پریشانیاں ہیں اور کئی مواقع پر ٹیم بحران میں پھنس جاتی ہے۔

پی سی بی چیئرمین نے کہا کہ مجھے معلوم ہے کہ مڈل آرڈر میں بہت ساری پریشانیاں ہیں اور ٹیم بڑی مشکل میں پھنس جاتی ہے، لیکن یہ کوئی ایسی پریشانی نہیں ہے، جسے حل نہیں کیا جاسکتا ہے۔

رمیز راجہ نے دعویٰ کیا کہ دیگر ٹیموں کی طرح پاکستان کے پاس بھی عالمی کپ جیتنے کا موقع ہے اور وہ ٹرافی جیتنے کے لئے آسٹریلیا جا رہے ہیں۔