عثمان قادر کی جگہ فخر زمان کو 15 رکنی قومی ٹی ٹوئنٹی ورلڈکپ اسکواڈ میں شامل کرلیا گیا۔

تفصیلات کے مطابق  پاکستان نے لیگ اسپنر عثمان قادر کی جگہ بیٹر فخر زمان کو آئی سی سی مینز ٹی ٹوئنٹی ورلڈکپ کے 15 رکنی اسکواڈ کا حصہ بنالیا ہے ۔

عثمان قادر بحیثیت ٹریولنگ ریزرو کھلاڑی قومی اسکواڈ کے ہمراہ آسٹریلیا میں ہی رہیں گے۔

عثمان قادر 25 ستمبر کو انگلینڈ کے خلاف ٹی ٹوئنٹی انٹرنیشنل میچ کے دوران انجری کا شکار ہوگئے تھے۔ ان کے دائیں ہاتھ کے انگوٹھے میں  ہیئر لائن فریکچر کی تشخیص ہوئی تھی۔

اس سے قبل فخر زمان ان تین کھلاڑیوں میں شامل تھے جو ریزرو کرکٹر کی حیثیت سے پاکستان  کے اسکواڈ میں شامل تھے۔ وہ شاہین شاہ آفریدی کے ہمراہ  ہفتے کے روز لندن سے برسبین پہنچ جائیں گے تاہم وہ 22 اکتوبر تک سلیکشن کے لیے دستیاب نہیں ہیں۔

پاکستان کو برسبین میں انگلینڈ اور افغانستان کےخلاف بالترتیب 17 اور 19 اکتوبر کو وارم اپ میچز کھیلنے ہیں۔

پاکستان اسکواڈ:

بابر اعظم (کپتان)، شاداب خان (نائب کپتان)، آصف علی، فخر زمان، حیدر علی، حارث رؤف، افتخار احمد، خوشدل شاہ، محمد حسنین، محمد نواز، محمد رضوان، محمد وسیم جونیئر، نسیم شاہ ، شاہین شاہ آفریدی، اور شان مسعود۔

ٹریول ریزروز: محمد حارث، شاہنواز دھانی اور عثمان قادر۔

آئی سی سی مینز ٹی ٹوئنٹی ورلڈ کپ 2022 میں پاکستان کے میچز کا شیڈول:

23 اکتوبر – بمقابلہ انڈیا، میلبرن

27 اکتوبر – بمقابلہ کوالیفائر، پرتھ

30 اکتوبر – بمقابلہ کوالیفائر، پرتھ

3 نومبر – بمقابلہ جنوبی افریقہ، سڈنی

6 نومبر – بمقابلہ بنگلہ دیش، ایڈیلیڈ