امریکہ سے تعلق رکھنے والے سابق کک باکسر اور سوشل میڈیا کی با اثر شخصیت اینڈریو ٹیٹ نے اسلام قبول کرلیا ہے۔

سابق امریکی کک باکسر اینڈریو ٹیٹ کی جانب سے سوشل میڈیا پر نماز پڑھنے کی ویڈیو شیئر کی گئی ہے جس میں دیکھا جاسکتا ہے کہ معروف ایم ایم فائٹر ٹم خان انہیں نماز پڑھنے کا طریقہ سکھا رہے ہیں۔

“Love of Allah is the power of the heart, the sustenance of the heart, the light of the heart.” – Ibn Qayim. pic.twitter.com/hdwnncEDpH

Advertisement

— Andrew Tate ✪ (@CobraTateKING) October 24, 2022

علاوہ ازیں اینڈریو ٹیٹ کا ایک بیان بھی وائرل ہورہا ہے جس میں انہوں نے اسلام قبول کرنے کے حوالے سے وضاحت بھی پیش کی جب کہ انہوں نے انگریزی میں قرآن کی آیت بھی شیئر کی۔

Andrew Tate has now confirmed himself that he is now a Muslim pic.twitter.com/7FjRT2oOzp

Advertisement

— Waasim (@waasim_) October 24, 2022

اپنے بیان میں اینڈریو ٹیٹ کا کہنا تھا کہ ’جو بھی عیسائی اچھائی پر یقین رکھتے ہیں اور شیطان کے خلاف جنگ کو سمجھتے ہیں تو انہیں بھی لازمی کنورٹ ہوجانا چاہیے‘۔

اینڈریو ٹیٹ کے اسلام قبول کرنے کے حوالے سے ٹم خان کا کہنا ہے کہ ’میرے بھائی اینڈریو ایک مخلص انسان ہیں جو اسلام سے متاثر ہیں‘۔

انہوں نے بتایا کہ ویڈٰیو کو مثبت تاثر کے لیے شیئر کیا گیا تھا جب کہ ان کے کلمہ شہادت سے متعلق ہم نے فیصلہ کیا تھا کہ اس کو کسی پوڈ کاسٹ پر شیئر نہیں کیا جائے گا۔

ان کا کہنا تھا کہ یہ اینڈریو کا پہلا مسجد کا دورہ تھا جوان کی خواہش پر کیا گیا جب کہ اس دورے کے دوران ہم نے قرآن و حدیث اور اسلام کے حوالے سے پھیلائی جانے والی منفی باتوں پر تفصیلی گفتگو کی۔

انہوں نے تنقید کرنے والوں سے درخواست کی کہ ’کوئی بھی انسان پرفیکٹ نہیں ہوتا لیکن اینڈریو ایک خالص نیت والے انسان ہیں لہذا انہیں وقت دیا جائے‘۔

واضح رہے کہ امریکی ریاست شکاگو میں پیدا ہونے والے سابق امریکی کک باکسر اینڈریو ٹیٹ نے ابتدائی تعلیم لوٹن میں حاصل کی تھی جب کہ وہ سوشل میڈیا پر بھی کافی با اثر شخصیت ہیں۔