بھارتی کرکٹ بورڈ (بی سی سی آئی) نے مرد و خواتین کرکٹرز کی میچ فیس برابر کردی ہے۔

بی سی سی آئی کے سیکرٹری جے شاہ کا ٹوئٹر پر جاری بیان میں کہنا تھا کہ ’مجھے یہ بتانے میں خوشی محسوس ہورہی ہے کہ امتیازی تفریق کو ختم کرنے کے لیے ہم نے پہلا قدم اٹھایا ہے‘۔

https://twitter.com/JayShah/status/1585527306352676865?ref_src=twsrc%5Etfw%7Ctwcamp%5Etweetembed%7Ctwterm%5E1585527306352676865%7Ctwgr%5E62fd3abc418f404c6ba91c28b0cb47056392af43%7Ctwcon%5Es1_&ref_url=https%3A%2F%2Furdu.geo.tv%2Flatest%2F304509-

انہوں نے کہا کہ ہم اپنی خواتین کرکٹرز کے لیے مساوی فیس کی پالیسی نافذ کررہے ہیں، صنفی مساوات کے اس نئے دور میں مرد و خواتین کرکٹرز کی میچ فیس ایک جیسی ہوگی۔

علاوہ ازیں بی سی سی آئی کے سیکرٹری جے شاہ نے ٹیسٹ، ون ڈے اور ٹی ٹوئنٹی کی میچ فیس کا بھی اعلان کیا، ٹیسٹ میچ کی فیس 15 لاکھ، ون ڈے 6 لاکھ اور ٹی ٹوئنٹی کی 3 لاکھ بھارتی روپے ہوگی۔

https://twitter.com/JayShah/status/1585527309305466880?ref_src=twsrc%5Etfw%7Ctwcamp%5Etweetembed%7Ctwterm%5E1585527309305466880%7Ctwgr%5E62fd3abc418f404c6ba91c28b0cb47056392af43%7Ctwcon%5Es1_&ref_url=https%3A%2F%2Furdu.geo.tv%2Flatest%2F304509-

جے شاہ کا مزید کہنا تھا کہ میں نے اپنی خواتین کرکٹرز سے مساوی تنخواہ کے حوالے وعدہ کیا تھا۔

واضح رہے کہ نیوزی لینڈ کے بعد اب بھارت دوسرا ملک بن گیا ہے جس نے مرد و خواتین کرکٹرز کے لیے مساوی تنخواہ کا اعلان کیا ہے۔

اس سے قبل رواں سال 5 جولائی کو نیوزی لینڈ نے اپنے مرد و خواتین پلیئرز کے لیے تمام فارمیٹس میں مساوی تنخواہ کا اعلان کیا تھا تاہم نیوزی لینڈ کے کھلاڑیوں کی تنخواہیں بھارتی کھلاڑیوں کے مقابلے میں کافی کم ہیں۔