ٹی ٹوئنٹی ورلڈکپ کے 17 ویں میچ میں بنگلہ دیش نے نیدر لینڈز کو 9 رنز سے شکست دے دی۔

تفصیلات  کے مطابق  ہوبارٹ میں نیدر لینڈز نے ٹاس جیت کر بنگلہ دیش کو پہلے بیٹنگ کرنے کی دعوت دی ۔

بنگلہ دیش نے مقررہ 20 اوورز میں 8  وکٹوں کے نقصان پر 144 رنز بنائے۔عفیف حسین38، نجم الحسن  شنتو 25 اور مصدق حسین ناٹ آؤٹ 20 رنز بناکر نمایاں رہے۔

سومیا سرکار 14، نور الحسن 13، لٹن داس 9، کپتان شکیب الحسن 7، یاسر علی 3 اور تسکین احمد بغیر کوئی رن بنائے آؤٹ ہوئے۔

نیدرلینڈز کی جانب سے پال وین میکرن اور بیس ڈی لیڈ نے 2،2 جبکہ فریڈ کلاسن، ٹم پرنگل، شارذ احمد اور لوگن وین بیک نے ایک ایک وکٹ حاصل کی۔

ہدف کے تعاقب میں نیدر لینڈز کی ٹیم مقررہ 20 اوورز میں 135 رنز بناکر آل آؤٹ ہوگئی۔کولن ایکرمین 62 اور پال وین  میکرن 24   اور کپتان اسکاٹ ایڈورڈز 16 رنز بناکر نمایاں رہے۔ ان کے علاوہ کوئی کھلاڑی  ڈبل فیگرز میں داخل نہ ہوسکا۔

بنگلہ دیش ی جانب سے تسکین احمد نے 4، حسن محمود نے 2 جبکہ شکیب الحسن  اورسومیا سرکار نے ایک ایک وکٹ حاصل کی۔

Netherlands fight till the end but Bangladesh prove to be too good on the day 🙌#T20WorldCup | #BANvNED | 📝: https://t.co/o5zkzQ2PpD pic.twitter.com/wTvRYQjfcA

— ICC (@ICC) October 24, 2022

تسکین احمد کو شاندار بولنگ کرنے پر میچ کا بہترین کھلاڑی قرار دیا گیا۔