ٹام لیتھم نے ون ڈے کی کیریئر بیسٹ اننگ کھیل کر نیوزی لینڈکو بھارت کے خلاف 7 وکٹوں سے فتح دلوادی۔

آکلینڈ میں کھیلے گئے پہلے ون ڈے میچ میں نیوزی لینڈ نے ٹاس جیت کر پہلے فیلڈنگ کرنے کا فیصلہ کیا تو بھارت  نے مقررہ 50 اوورز میں 7 وکٹوں کے نقصان پر 306 رنز بنائے۔

شریاس ایئر 80، کپتان شیکھر دھون 72 اور شبمان گل 50 رنز بناکر نمایاں رہے۔سنجو سامسن 36، رشابھ پانت 15 ، سوریا کمار یادیو 4  اور شردل ٹھاکر ایک رن بناکر آؤٹ ہوئے جبکہ واشنگٹن سندر 37 رنز بناکر ناٹ آؤٹ رہے۔

نیوزی لینڈ کی جانب سے ٹم ساؤتھی اور لوکی فرگیوسن نے 3،3 جبکہ ایڈم ملنے نے ایک وکٹ حاصل کی۔

ہدف کے تعاقب میں ابتدائی 3 وکٹس 88 رنز پر گر چکی تھیں تاہم پھر ٹام لیتھم نے کپتان کین  ولیمسن کے ہمراہ 221 رنز کی ناقابل شکست شراکت قائم کرکے ٹیم کو فتح دلوادی۔

نیوزی لینڈ نے ہدف 48ویں اوور میں حاصل کرلیا۔ٹام لیتھم 145 اور کین ولیمسن 94 رنز بناکر ناقابل شکست رہے۔

Tom Latham and Kane Williamson master a memorable chase against India ⭐

Watch the #NZvIND ODI series LIVE on https://t.co/CPDKNxoJ9v (in select regions) 📺

📝 Scorecard: https://t.co/eVO5qCY6fe pic.twitter.com/GBEpDunT9C

— ICC (@ICC) November 25, 2022

بھارت کی جانب سے عمران ملک نے 2 اور شردل ٹھاکر نے ایک وکٹ حاصل کی۔

ٹام لیتھم کو کیریئر بیسٹ اننگ کھیلنے پر میچ کا بہترین کھلاڑی قرار دیا گیا۔

دونوں ٹیموں کے مابین دوسرا  ون ڈے میچ 27 نومبر جبکہ تیسرا اور آخری میچ 30 نومبر کو کھیلا جائے گا۔